Мактаб ўқувчиларнинг дарсларда ўз вақтида иштирок этишини таъминлаш мақсадида, туман имом хатиби, ИИБ бўлими ходимлари билан ҳамкорликда профилактик тадбир ўтказилди. Учқудуқ туман 18 мактаб биносида "Жиноятчиликни олдини олиш" мавзусида тадбир ўтказилди. Ўқувчиларинг дарслардаги давомати текширилганидан сўнг, туман имоми А.Турдиев жиноятчилик тўғрисида, унинг олдини олиш ҳақида гапирди. Ўғирлик қилиш ҳам жиноятнинг тури эканлиги, бу оғир гуноҳ эканлигини, муқаддас Ислом динида бу иш қаттиқ қораланганлигини, бундай йўлларга кириб қолмасликлари тушунтирилди. Ёшларга бўш вақтларидан унумли фойдаланишлари кераклиги, турли тўгараклар, спорт турлари билан шуғулланишлари тавсия қилинди. Бўш вақти бўлмаганидан сўнг, ёшларнинг жиноят йўлига киришлари олди олиниши айтиб ўтилди. Тадбирда 50 га яқин ўқувчилар иштирок этишди. 
