Учқудуқ туманидаги "Мустақиллик" МФЙ да Ўзбекистон Республикаси Президентининг 2017 йил 14 мартдаги “Ҳуқуқбузарликлар профилактикаси ва жиноятчиликка қарши курашиш тизимини янада такомиллаштириш чора-тадбирлари тўғрисида”ги ПҚ-2833-сонли ҳамда 2018 йил 24 декабрдаги “Жамоат хавфсизлигини таъминлаш самарадорлигини ошириш бўйича қўшимча чора-тадбирлар тўғрисида”ги ПҚ-4075-сонли қарорлари мазмун-моҳияти, мазкур қарорлар ижросини таъминлаш борасида амалга оширилиши лозим бўлган ишлар борасида аҳоли ўртасида профилактик тарғибот тадбири бўлиб ўтди. Тадбирда туман ИИБ бошлиғи А.Савуров, туман ИИБ бошлиғининг ёшлар масалалари бўйича ўринбосари И.Бўронов, "Қизилқум" жомеъ масжиди имом хатиби А.Турдиев, ёшлар иттифоқи туман Кенгаши О.Тилавовлар иштирок этди. Тадбирда иштирок этганлар ахборотларидан сўнг "Мустақиллик" МФЙ профилактик инспекторининг аҳоли олдида ҳисоботи тингланди. Туман имоми А.Турдиев аҳолига иноят содир бўлаётганда унга бефарқ бўлмаслик кераклиги тўғрисида гапирди. Қизилтепа тумани "Демас" МФЙда Азизиобод масжиди имоми Н.Нарзиев "Жиноятчиликни олдини олиш" мавзусида маъруза қилди.