Навоий вилояти Хатирчи туманидаги 33-ўрта мактабда "Жиноятчилик, ўз жонига қасд қилиш, ҳар хил зарарли оқимларнинг салбий оқибатлари" мавзусида давра суҳбати бўлиб ўтди. Туманидаги 20-ўрта мактабда "Ёшлар ўртасида жиноятчиликни олдини олиш", "Илм олиш фазилати", "Мактаб ички қоидаларига риоя этиш" мавзуларида ўқувчилар билан суҳбат ўтказилди. Суҳбатларда туман имом хатиби Б.Ҳакимов сўзга чиқиб,илм олиш, жиноятчиликни олдини олиш борасида ҳадиси шарифдан намуналар келтирди. Хатирчи туманидаги 16-мактабда ҳам"Тангриберди бобо" жоме масжиди имом хатиби И.Намозов иштирокида "Жиноятчилик - жамиятга хиёнатдир" мавзусида тадбир ўтказилди. Тумандаги 73-ўрта мактабда "Хўжақул эшон" жоме масжиди имом хатиби М.Омонов иштирокида "Оммавий маданият балоси ва ўз жонига қасд қилиш иллатининг икки дунё барбод бўлишига сабаб бўлишини ёшлар онгига етказиш" мавзуларида йиғилиш бўлиб ўтди. 
Қизилтепа тумани 18-мактаб биносида Азизобод масжиди имом хатиби Н.Нарзиев ўқувчиларга "Ўз жонига қасд қилиш оғир гуноҳ", "Жиноятчиликни олдини олиш" мавзуларида маъруза қилди. Маъруза давомида Қуръони Карим ва ҳадиси шарифдан намуналар келтирилди. Тадбирда 100га яқин ўқувчилар иштирок этишиб, маърузани тинглашди.
