Войти
Закрыть

"МЕНИНГ ҚАЙНОНАМ ГЕНЕРАЛ" КЎРСАТУВИ

Ислом олами / Савол-жавоб

Савол: - Ассалому алайкум! Телевизордаги "Менинг қайнонам генерал" кўрсатувининг 28-сонида дастурхон атрофида ўтирган аёлларнинг бири "Қайноналарга сажда қилиш керак" деб ҳаммага ўргатиб ўтирибти. Яна у етмагандек намозни қайнона ва қайнотага хизмат қилиб агар вақт айтсагина ўқиш керак деб ўргатяпти. Илтимис шунақа инсонларга динни яхши билмаса охиратида нима жазо кўришини эслатиб қўйсангиз. Зора бу саволнинг жавобини ўқиб амал қилишса.

Жавоб: – Ва алайкум ассалом! Подшох бир қарорни чиқарса фуқароларидан бирортаси унинг зиддига бирор сўз айтиш подшохга беҳурматлик ҳисобланади. Буйруқ берса буйруғига қарши сўз айтиш жиноят ҳисобланади. Бутун борлиқни яратган, шу қатори ўзини ҳам йўқдан бор қилган Зот ҳамда коинотнинг сарвари пайғамбаримиз соллаллоҳу алайҳи васаллам амр қилган бўлсалар, бу амр Қуръони каримдек қиёматгача сақланиб қолувчи китобга муҳрлаб қўйилган бўлса, унинг қаршисига “Мендан ошсанг кейин намоз ўқийсан” деган одам ким бўлиши мумкин? Бундай инсонни ўзлигини билмаган нонкўр дейишдан бошқа гап бўлиши мумкин эмас. Аллоҳ таоло "Ясин" сурасида марҳамат қилади:

أَوَلَمْ يَرَ الْإِنسَانُ أَنَّا خَلَقْنَاهُ مِن نُّطْفَةٍ فَإِذَا هُوَ خَصِيمٌ مُّبِينٌ۝

77. Инсон Биз уни нутфадан яратганимизни билмайдими?! Энди эса у баногоҳ, очиқ-ойдин хусуматчи бўлиб турибди!
Ушбу ояти карима ва ундан сўнг келадиган оятлар ўлгандан кейин тирилтиришни инкор қиладиган ҳар бир инсонга хитобдир. Аммо бу оятларнинг тушишига сабаб бўлган киши мушрикларнинг каттаси Убай ибн Халаф эди.
Мужоҳид, Икрима, Урва ибн Зубайр, Суддий ва Қатодадан қилинган ривоятда: «Убай ибн Халаф (Аллоҳнинг лаънати бўлсин унга) қўлида чириган суякни тутиб, Расулуллоҳ соллаллоҳу алайҳи васалламнинг ҳузурларига келди ва хокини ҳавога пуфлаб, учириб туриб:
– Эй Муҳаммад, Аллоҳ мана шуни тирилтиради, деб гумон қиласанми?! – деди. Расулуллоҳ соллаллоҳу алайҳи васаллам:
– Ҳа, Аллоҳ сени ўлдиради, кейин қайта тирилтиради, сўнгра эса дўзахга киритади, – дедилар. Шундан кейин «Инсон Биз уни нутфадан яратганимизни билмайдими?!» деб бошланувчи оятлар нозил бўлди», – дейилган.
Ҳа, инсон ўз аслини билганида кофир бўлмас эди. Ўлгандан кейин қайта тирилишни инкор қила олмас эди.
«Инсон Биз уни нутфадан яратганимизни билмайдими?!»
Инсон ўзининг бир томчи жирканч сувдан яратилганини билмайдими?! Ўзини ким деб ўйлайди?! Бунчалик ҳовлиқади?! Бунчалик осмондан келади?!
«Энди эса у баногоҳ, очиқ-ойдин хусуматчи бўлиб турибди!» ("Тафсири Ҳилол" китобидан). Валлоҳу аълам!

«Зикр аҳлидан сўранг» ҳайъати

ИССИҚ СОВУҚ

Ислом олами / Савол-жавоб

Савол: - Ассалому алайкум! Одамларда хар хил тушунча бор, кимлар иссиқ совуқ умман нотўғри нарса динимизда бундан қайтарлган деса кимдрлар тўғри манода иссиқ қилса бўлади, масалан оилан сақлаб қолиш учун, қайнона ва келинни ўртасини иситиш учун бўлади дейишади. Бу қанчалик тўғри маълумот?

ҚИССАЛАРНИНГ ЭНГ ЯХШИСИ

Мақолалар

Нима учун Юсуф сураси "Аҳсанул қосаси"(қиссаларининг энг яхшиси) деб номланган?
Чунки у сура бизга қамоқдаги инсон албатта бир кун чиқишини ўргатди.
Чунки у сура бизга бемор бир кун шифо топишини ўргатди.
Чунки у сура бизга ғоиб бўлган киши куни келиб қайтишини ўргатди.
Чунки у сура бизга маҳзун киши куни келиб шод бўлишини ўргатди.
Чунки у сура бизга ғам куни келиб аришини ўргатди.
Чунки у сура мўъминнинг бошига тушган балонинг барчаси хайр эканини ўргатди.
Аллоҳ бор экан умидни узма, Аллоҳга ишон. Раҳмон ва Раҳим бўлган зотга яхши гумонда бўл!

Абдулқодир Полвонов

Навоий вилояти Телевидениеси томонидан отинойиларимиз билан суҳбат бўлиб ўтди

Янгиликлар

Куни кеча "А.Навоий" жоме масжидида Навоий вилояти Телевидениеси томонидан отинойиларимиз билан суҳбат бўлиб ўтди. Навоий вилояти бош имом хатиби Т.Рўзиевнинг хотин қизлар қўмитаси бўйича ўринбосари У.Холова ўтган йиллар давомида отинойиларимиз ташаббуси билан ажримлар хусусида интервью берди. Ушбу интервьюда оилалардаги сўнгги пайтларда авж олиб бораётган ажрим масалалари ва унинг сабаблари ҳақида гапириб ўтиб, отинойилар аралашуви туфайли сақлаб қолинган оилалар тўғрисида баёнот берди.

БАДР

Мақолалар

Макка фатҳ қилиниш арафасида эди. Расулуллоҳ саллоллоҳу алайҳи ва саллам бунга қатъий амр қилган эдилар. Қўшинни тайёргарлик кўришини айтган эдилар. Саҳобаларга Маккага юриш қилишни яширишга амр қилдилар.
Ҳамма нарса режадагидай кетаётган эди. Макка аҳлидан бўлган саҳобалар ватан тупроғини кўзга суриш ва ўпиш илинжида ёнишар эди. Мадиналик саҳобалар эса Ҳудайбийяда умра қилишдан ман қилинганлари учун қайта умра қилиш ишқида ёнишар эди.
Бошқа саҳобалар эса Маккада азон товуши, "Аллоҳу акбар" нидоси барча овозлардан юксалишини орзу қилишар эди.
Аммо кутилмаган иш бўлди. Тўсатдан Расулуллоҳ саллоллоҳу алайҳи ва саллам Али, Зубайр ва Миқдод розиёллоҳу анҳумларни "равзату хох" деган жойга тезлик билан етиб боришларини, бир аёл мактуб олиб кетаётганини, ўша аёлни тезда тутиб олиб келишларини айтдилар.
Учала саҳобий дарров аёлнинг изидан тушишди. Унга етиб олиб мактубни беришини сўрашди. У бермади. Саҳобалар унинг кийимларини ечиб текшириш билан қўрқитишганида мактубни сочлари орасидан чиқариб берди. Мактубни Расулуллоҳ саллоллоҳу алайҳи ва салламга топширишди. Уни Ҳотиб ибн Аби Балтаъа розиёллоҳу анҳу ёзган бўлиб унда Маккага мусулмонларнинг фатҳ қилиш учун бораётгани ёзилган экан.
Бу ишончга дарз кетишидир. Хоҳласанг катта хиёнат дегин.
Ҳотиб розиёллоҳу анҳу ўзининг бу ишини Маккада қолган аҳлининг заифлиги билан боғлади. Бу мактуби ила аҳлига Қурайш азият бермаслигини ирода қилганини айтди.
Набий алайҳис салом унинг узрини қабул қилдилар. Аммо Умар розиёллоҳу анҳу сингари эҳтиёткорлик одати бўлган зот ўзининг шиддати ила қиличини яланғочлаб:
"Изн беринг эй Аллоҳнинг расули калласини олай бу мунофиқнинг!", дедилар.
Расулуллоҳ саллоллоҳу алайҳи ва саллам:
"Йўқ эй Умар! У бадрда иштирок қилган. Қаердан биласан, эҳтимол Аллоҳ таоло бадр аҳлига боқиб: Хоҳлаган ишингизни қилинг. Мен сизни мағфират қилдим", деган бўлсачи, дедилар.

"Бадрда иштирок қилган!".
Биродар! Агар инсонлардан хатолик ўтса уларнинг порлоқ томонини эслай оламизми? Ёки илк хато қилиши билан барча яхшиликларини унутиб улар билан яшаб ўтган ширин лаҳзаларини ёддан чиқарамизми?
Ҳамма инсоннинг ҳаётида "бадрда иштирок этиш" бор. Нега энди ана шу бадр ила анави хатоларни йўқотмаймиз? Аксинча, хатолари ила бадрини йўқ қилишга ҳаракат қиламиз. Нега инсонлардан доимо фаришта бўлишларини талаб қиламиз? Ахир энг чопқир от ҳам тойиладику! Ҳар қандай қадам сирпанадику!
Ҳар қандай моҳир ўқ отар ҳам хато қилади.
Аёлингиз болаларни тарбиялаб, пишириб-куйдириб, уларга дарс қилдириб ҳар куни "бадр"да иштирок қилади. Нега энди биргина хатоси туфайли унинг хизматларини йўққа чиқарасиз?
Эрингиз сизни деб, фарзандларини деб кеча-ю кундуз югуради, машаққат чекади. Бу унинг учун "бадр". Нега энди унинг биргина хатоси учун "сиздан нима кўрдим?", дейсиз? Унинг "бадр"ини ҳисобга олмайсиз?
Хизматчи битта хато қилса мудир нега энди унинг олдинги барча хизматларини йўққа чиқариб унутиши лозим?
Ёки мудирнинг биргина тергаши сабаб нега хизматчи унинг олдинги юзлаб гўзал муомалаларини унутиши керак?
Ота-она нега фарзандининг биргина хатоси сабаб унинг бир умрлик яхшилигини унутиши лозим?
Нега фарзанд унга бир умр яхшиликни соғинган ота-онасининг биргина инсоний заифлиги сабаб яхшиликларини ёддан чиқариши лозим?
Ҳамманинг "бадр"и бор. Уни муҳофаза қилинг!
Биргина кўриниш туфайли бутун бошли манзарани барбод қилманг!
Адҳам Шарқовий.

Абдулқодир Полвонов спҳифасидан
В будущее В прошлое

Навигация