Жорий йилнинг 27-март куни Ўзбекистон Республикаси Президентининг 2018 йил 24 декабрдаги “Жамоат хавфсизлигини таъминлаш самарадорлигини ошириш бўйича қўшимча чора-тадбирлар тўғрисида”ги ПҚ-4075-сонли қарори, 2017 йил 23 майдаги “Ички ишлар органларининг ёнғин хавфсизлиги бўлинмалари фаолиятини тубдан такомиллаштириш тўғрисида”ги ПҚ-2992-сонли қарорига асосан ҳафтанинг ҳар чоршанба куни «Ёнғинлар профилактикаси куни», этиб белгиланганлигини инобатга олиб, Учқудуқ тумани марказидан 15 км узоқликда жойлашган “Шалхар” ОФЙ да туман ҳокимлиги, туман прокуратураси, туман ИИБ, ёшлар иттифоқи туман Кенгаши, Фуқароларнинг ўзини ўзи бошқариш органлари фаолиятини мувофиқлаштириш бўйича туман Кенгаши, Учқудуқ туман имом хатиби, ҳамда тумандаги барча корхона ташкилот ва муассаса раҳбар ва масъул ходимлари томонидан кенг қамровли профилактик тадбир ўтказилди. Профилактика куни давомида барча масъул ходимлар ҳамда Фидокор ёшлар хонадонларига кирилиб, ёшлар ва уларнинг ота-оналари билан суҳбат ўтказилиши суҳбат давомида “Жиноятчилик ва ҳуқуқбузарликларни олдини олиш” тўғрисида туман имоми А.Турдиев маъруза қилди. Жиноятчиликни олдини олиш учун ёшларнинг таълим-тарбиясини, дарсларга қатнаш давоматини ҳамда бўш вақтини мазмунли ташкил этилишини назорат қилиш тўғрисида тушунчалар берилди. Шу билан биргаликда ёнғин хавфсизлигига риоя қилиш, ис газидан сақланиш чоралари, томорқа маданияти, тозалик ва санитария- гигиена қоидалари тўғрисида ҳам суҳбат ўтказилиши кераклиги тўғрисида келишиб олинди.
