15-16 декабрь кунлари Зарафшон шаҳар 3-сонли умумтаълим мактабида Зарафшон шаҳар имом-хатиби К.Шодмонов томонидан ота-оналар билан "Устозларга ҳурмат", "Мактаб тартиб-интизоми" мавзуларида йиғилиш ўтказилди. Йиғилиш синфлар кесимида ўтказилди. Йиғилишда 1400 дан ортиқ ота-оналар қатнашди. Шу кунларнинг ўзида Учқудуқ тумани 7-сонли мактабда ИИБ ходимлари, туман ҳокимлиги билан ҳамкорликда ҳам "Жиноятчиликни олдини олиш", "Эрта никоҳни олдини олиш" мавзуларида ота-оналар билан учрашув бўлиб ўтди. Йиғилишда туман имом-хатиби А.Турдиев сўзга чиқиб, фарзандлар тарбиясига эътиборли бўлиш кераклиги, ўқувчилар орасида устозларга ҳурмат ҳисси йўқолиб бораётганлигини айтиб ўтди. Шу сабабдан ота-оналарни этиборли бўлишга чақирди.