Шеьрларим бир дунё, ўзим бир дунё
Фарзандим, дўстларим, ёрим бир дунё.
Бунчалар мавҳумсан, ялтироқ дунё,
Мен баъзан негадир қўркиб кетаман,
Мозийга сув бўлиб сингиб кетаман.

Кеча товонимдан чақнар кўчалар
Бугун ҳасса тутган мендек нечалар.
Қани ёшлигимда севган қизчалар?
Баъзан ўзанимдан тошиб кетаман,
Мозийга сув бўлиб сингиб кетаман.

Кетаман бир куни ёрни ёндириб,
Боламни йиғлатиб, ёвни кулдириб.
Кетаман узоққа сени қолдириб.
Эй дунё, мен сени энди нетаман,
Мозийга сув булиб сингиб кетаман.

Сенга қолдираман бойлигим дунё,
Бойликмас, бир дафтар -- арзимас дунё.
Бу ожиз шеьрларим асрагин дунё.
Элимга шеьр бўлиб тарқаб кетаман,
Сўнг сокин мозийга сакраб ўтаман.