САВОЛ: Эҳромга киргандан сўнг чўмилиш мумкинми?

ЖАВОБ: Бисмиллаҳир Роҳманир Роҳим. Эҳромдаги инсон покланиш, салқинланиш ва баданидаги чанг-ғуборларни кетказиш мақсадида чўмилиши мумкин. Фақат бу ҳолатда хушбўй совун ва шампун ишлатишдан ҳамда сочини қаттиқ ишқалашдан эҳтиёт бўлиши лозим. Чунки эҳромда хушбўйлик ишлатиш ва ишқалашга ўхшаш ҳаракат орқали сочларнинг тўкилиши жаримага сабаб бўлади. Валлоҳу аълам.

Ўзбекистон мусулмонлари идораси
Фатво маркази.