Кармана тумани 27 ва 28-сонли умумтаълим мактабларида «Жиноятчилик ва гиёҳвандликка қарши кураш» мавзусида тарғибот тадбирлари бўлиб ўтди. Ҳамкор ташкилотлар билан биргаликда Кармана туман «Дўрман» жоме масжиди имом-хатиби М.Раҳмонов ҳам ўз нутқи билан иштирок этиб, жиноят, ҳар бир гуноҳ ишнинг диний таълимотларимизда қанчалик қораланишини тушунтириб берди.
Бундай тадбирлардан яна бири Навоий шаҳар 7-сонли умумтаълим мактабида бўлиб ўтди. Унда аҳоли билан учрашиб, фуқаролар ўртасида диний мутаассиб оқимлар таъсирига тушишнинг олдини олиш мавзусида суҳбат ўтказилди.
