Жорий йилнинг 23.08.2023  санасида Навоий шаҳар, "Бунёдкор " мфйда хотин-қизлар ўртасида айни вақтдаги долзарб масалалар бўйича йиғилиш ташкил этилди. Бунда ЎМИ вилоят вакили бош  имом хатиб хотин-қизлар масалалари бўйича ёрдамчиси У.Холова, шаҳар бош отинойиси Ч. Бурханоа, маҳалла отинойиси, маҳалла хотин-қизлари ва фаоллари иштирок этишди. Йиғилишда  хотин-қизларимизга хос бўлган кийиниш маданияти,  қизларимиз тарбияси, боқимандалик кайфиятига чек қўйиш,, шукроналик тўйғусини уйғотиш, тўй ва марака маросимларни қисқартириш, бидъат хурофотларни олдини олиш,  исрофгарчиликка чек қўйиш, қайнона келин муносабатлари, диний марака маросимларни Ҳанафийлик мазҳаби,  мотуридийлик таълимоти асосида, миллий  ва диний урф одатларимизга хос равишда олиб бориш  масалалар бўйича маърузалар қилинди. Тадбир иштирокчилари айни вақтдаги долзарб масалалар юзасидан ўзларини қизиқтирган масалалар бўйича кенгашдилар



Ассаламу алайкум бугун қабул кунида келган фуқаролар билан суҳбатлар ўтказилди, саволларига жавоб бериб тегишли маслахат берилди. Қизилтепа тумани Хўжа жалол мфй имом хатиби Н. Нарзиев




Навоий шаҳар "Орзу" мфй биноси худудида жойлашган Ғалаба шох кучаси 81а/44 яшовчи З. Қаландарова ва унинг Гулистон мфй да яшовчи турмуш ўртоғи Ф. Бўриевларнинг оилавий келишмовчилиги мухокама этилди, яраштириш учун муддат берилиб,
Навоий вилояти бош отинойиси У.Холовалар алохида сухбат ўтказилиши белгилаб олинди.




ТАРҒИБОТ ТАДБИРИ ЎТКАЗИЛДИ

Жорий йил 23 август куни Зарафшон шаҳрида ижтимоий - маънавий муҳит"ни соғломлаштириш мақсадида шаҳар ҳокими ўринбосари, оила ва хотин-қизлар бўлими бошлиғи Л.Турсунова, шаҳар Дин ишлари бўйича бош мутахассис А.Хамдамов хамда шаҳар бош отинойиси Л.Мутахаровалар билан ҳамкорликда Зарафшон шаҳар 7-сонли мусиқа ва санъат мактабининг раҳбар ва ишчи ходимлари ўртасида "Жаҳолатга қарши маърифат" тарғибот тадбири ўтказилди.

Тадбирда ёшларимизнинг турли радикал ғоялар таъсирига тушиб қолаётгани, турли сайт ва ижтимоий тармоқ саҳифалари орқали нохолис маълумотлар олиб, онги заҳарланаётгани хавотирли экани, бунинг олдини олиш учун ота-оналар фарзандлар тарбиясига янада эътиборлироқ бўлиши лозимлиги, аёллар ўртасида мутаассибликни олдини олиш  тушунтириб ўтилди.

Шунингдек, тадбир сўнгида тинчлик-осойишталикни қадрига бориш ҳамда билиб-билмай ижтимоий тармоқлар таъсирида тўғри йўлдан адашганлар акс этган ҳужжатли филм намойиш этилди.

ЎМИ Навоий вилоят вакиллиги