Навоий вилояти Навбаҳор туманидаги “Шайх Абул Ҳасан Харақоний” жоме масжидида жорий йилнинг 26 май куни "Диний ташкилотларда иш юритиш тартиби" тўғрисида ўқув-семинар ўтказилди. Мазкур ўқув-семинарга Мусулмонлар идораси вилоят вакиллиги, вилоятдаги барча бош имом хатиблар ва отинойилар ҳамда масжидларнинг мутавалли ва мухтасиблари, Дин ишлари бўйича қўмитанинг Навоий вилоят ҳудудий бошқармаси, туман, шаҳар бош мутахассилари таклиф этилди. Ўқув семинарни вилоят ҳокимининг ўринбосари Ғ. Мусурманов очиб берди ва хужжат юритиш ишлари намунали ташкил этилган Навбаҳор тумани бош имом хатиби Ф.Тошев, мухтасиб С.Қиличев, бош отинойиси С.Хушматоваларни Мусулмонлар идораси вилоят вакиллигининг фахрий ёрлиғи ва эсдалик совғалари билан тақдирладилар. Тадбир Дин ишлари бўйича қўмитанинг вилоят вакиллиги томонидан ташкил этилиб, асосий мақсад масжидларда ҳамда бош имом ва отинойиларнинг хужжат юритишларини тартибга солиш, малакаларини ошириш, дунёвий ва диний билимларини мустаҳкамлаш, олиб бориладиган маънавий-маърифий ишлар самарадорлигини янада оширишдан иборатдир.

ЎМИ Навоий вилоят вакиллиги