Ибодатнинг ҳақиқати ва сурати
Биз биламизки, иймон тил билан иқрор бўлиш ва қалб билан тасдиқлашдир. Биз турли солиҳ амалларни қилишга ҳаракат қилаверамиз, аммо шу амалларнинг мағзи, жавҳари бўлган нарсаларни унутиб қўямиз. Бу нарсалар қалбга тегишли ҳислардир.
Ҳар бир ибодатнинг ҳақиқати ва сурати бор. Намознинг сурати рукуъ, сажда, қиём, қироат ва бошқа рукнларидир. Намознинг ҳақиқати, мағзи эса хушуъ ва хузуъдир.
Рўзанинг сурати субҳдан то кун ботгунгача рўзани очувчи нарсалардан тийилишдир. Рўзанинг ҳақиқати ва мағзи эса тақводир.
Ҳажнинг сурати Сафо ва Марва орасида саъй қилиш, Каъбани тавоф қилиш, Арафотда туриш, Муздалифада тунаш, шайтонга тош отиш ва бошқа амаллардан иборат бўлса, ҳажнинг ҳақиқати ва мағзи Аллоҳнинг шиорларини улуғлашдир.
Дуонинг сурати қўлни кўтариш, қиблага юзланиш, муножот қилиш ва Аллоҳдан ҳожатларини сўраш бўлса, дуонинг ҳақиқати ва мағзи Аллоҳга муҳтожликдир.
Зикрнинг сурати тасбеҳ, таҳлил, такбир ва ҳамд айтиш бўлса, унинг ҳақиқати ва мағзи Холиқ таолони улуғлаш, Унга муҳаббат қилиш, Унинг азобидан қўрқиб, раҳматидан умидвор бўлишдир.
Шундай экан, тана аъзоларимиз билан бажариладиган амаллардан аввал қалб амалларига эътиборли бўлишимиз керак. Бир амалга киришишдан олдин ниятни тўғрилаб, кейин ўша амални ихлос ва тақво билан бажаришимиз лозим. Қиёмат куни сирларимиз ошкор бўлади, қалбларимиздаги яширин нарсаларимиз фош бўлади.
Агар дунё ютуқларига қадамлар билан юриб борилса, охират ютуқларига ибодат, солиҳ амаллар ва қалблар билан эришилади.
Учқудуқ туман бош отинойиси О Тўрақулова
Биз биламизки, иймон тил билан иқрор бўлиш ва қалб билан тасдиқлашдир. Биз турли солиҳ амалларни қилишга ҳаракат қилаверамиз, аммо шу амалларнинг мағзи, жавҳари бўлган нарсаларни унутиб қўямиз. Бу нарсалар қалбга тегишли ҳислардир.
Ҳар бир ибодатнинг ҳақиқати ва сурати бор. Намознинг сурати рукуъ, сажда, қиём, қироат ва бошқа рукнларидир. Намознинг ҳақиқати, мағзи эса хушуъ ва хузуъдир.
Рўзанинг сурати субҳдан то кун ботгунгача рўзани очувчи нарсалардан тийилишдир. Рўзанинг ҳақиқати ва мағзи эса тақводир.
Ҳажнинг сурати Сафо ва Марва орасида саъй қилиш, Каъбани тавоф қилиш, Арафотда туриш, Муздалифада тунаш, шайтонга тош отиш ва бошқа амаллардан иборат бўлса, ҳажнинг ҳақиқати ва мағзи Аллоҳнинг шиорларини улуғлашдир.
Дуонинг сурати қўлни кўтариш, қиблага юзланиш, муножот қилиш ва Аллоҳдан ҳожатларини сўраш бўлса, дуонинг ҳақиқати ва мағзи Аллоҳга муҳтожликдир.
Зикрнинг сурати тасбеҳ, таҳлил, такбир ва ҳамд айтиш бўлса, унинг ҳақиқати ва мағзи Холиқ таолони улуғлаш, Унга муҳаббат қилиш, Унинг азобидан қўрқиб, раҳматидан умидвор бўлишдир.
Шундай экан, тана аъзоларимиз билан бажариладиган амаллардан аввал қалб амалларига эътиборли бўлишимиз керак. Бир амалга киришишдан олдин ниятни тўғрилаб, кейин ўша амални ихлос ва тақво билан бажаришимиз лозим. Қиёмат куни сирларимиз ошкор бўлади, қалбларимиздаги яширин нарсаларимиз фош бўлади.
Агар дунё ютуқларига қадамлар билан юриб борилса, охират ютуқларига ибодат, солиҳ амаллар ва қалблар билан эришилади.
Учқудуқ туман бош отинойиси О Тўрақулова
