"Мутаассиблик ва ёт ғояларга қарши кураш".
Мутаассиб сўзи лотин тилидан олинган бўлиб," ғазабланган, жазаваси тутган маъносини билдирувчи, "фанатисус" сўзидан олинган. Мутаассиб, инсонлар одатда аламзада бўлишади, ўз қарорини уйламасдан чиқаришади, ҳамиша ўзларини ҳақ деб билишади. Айбсиз одамларни айблаб, йўқ жойдан муаммо келтириб чиқаришади. Бўлар бўлмас баҳоналар топиб, жанжал чиқаришади. Ҳозирги кунда турли экстремистик ва террористик гуруҳлар томонидан соф исломий қоидаларнинг динимиз таълимотларига зид равишда тушунилиб, бузиб талқин этилиши тез-тез учрамоқда. Улар нафақат бошқа дин вакллари, балки мусулмонларга қарши зўравонлик, қўпарувчилик ҳамда босқинчилик ҳатти ҳаракатларини асослаш ва оқлаш учун "жиҳод", "бидъат", "имон", "кофир" каби тушунчаларни мутаассибона қарашлари орқали ёқлаб, диний кўрсатмаларни тушуниш ва уларга амал қилишда ихтилоф чиқариб, ўзгача дунёқарашдаги инсонларга нисбатан кескин муносабатда бўлишмоқда.
Демак, мутаассибликка берилиш оқибати тинч ҳаётни издан чиқаради. Мутаассиблардан Ватан хоинлари, қочоқлар, исёнкорлар, қотиллар оиласи ва болаларини ҳам сотадиган манфур кимсалар чиқиши табиий ҳолдир. Шунинг учун туманимиз, қишлоқлармиз маҳаллаларимизда баъзан учрайдиган жангари, аламзада, дунёни ўзига душман деб биладиган мутаассиб кимсалардан доимо эҳтиёт бўлишимиз керак. Бу давр талаби.
Хатирчи тумани бош отинойиси: Раимова Самия