"Ўз жонига қасд қилиш".
Ўз жонига қасд қилиш, турли ҳатти-ҳаракатлар натижасида ўлиш ниятида ўзига зарар етказувчи омиллар натижасида келиб чиққан. Ўз жонига қасд қилиш- гуноҳи кабира. Аллоҳ таоло одамзодни азизу мукаррам қилиб яратган. Бугунги кунда ўз жонига қасд қилиш борасидаги салбий ҳолатларга кўп дуч келаяпмиз. Мазкур муаммо барчани жиддий ташвишга солмоқда. Шуни билиш керакки, бирор қийинчиликдан қутилиш ёки кимдандир норози бўлиб, Ўз жонига қасд қилиш масалаларининг ечими эмас. Инсон бўлиб дунёга келишининг ўзи Аллоҳ таолонинг инсонга катта марҳаматидир. Ўз жонига қасд қилиш 15 ёшдан 29 ёшгача бўлган ёшлар орасидаги ўлимга сабаб бўлувчи иккинчи йирик омилдир. Ачинарлиси, ушбу жиноятга ёш болалар, ва аёллар кўпроқ мойил бўлмоқда. Кимдир ўзини ёқиб юборади, кимдир ёш боласи билан поезд тагига ташлаяпти. Эшитган одамни юраги оғрийди. Уларни Аллоҳни танимайди, диндан беҳабар дейишимиз, қанчалик ўринли, буни яратганнинг Ўзи билади. Агар улар Аллоҳни таниганларида эди, тананинг ичидаги рух Аллоҳнинг омонати эканини билар эди.

Кармана тумани бош отинойиси:
Мирзаева Фазила.