Жорий йилнинг 30-май кунида Навоий вилояти Навбаҳор туманида "Ўз жонига қасд қилишнинг олдини олиш" мавзусида давра суҳбати ташкил этилди. Давра суҳбатида вилоят бош имом хатиби Т.Рўзиев ва Навбаҳор туман "Шайх Абулҳасан Ҳарақоний" масжиди имом хатиби С.Бобоназаров сўзга чиқиб, муқаддас ислом динида Аллоҳ ато этган энг олий неъмат-жон неъматига тажовуз улкан гуноҳ эканлиги, мусулмон инсон нафақат ўзгаларга ҳаттоки, ўзига ҳам зиён заҳмат етказишга ҳақли эмаслиги таъкидлаб ўтилди. Бордию, кимдир ўз жонига қасд қиладиган бўлса, унинг ўзи охират азобига қолиши билан биргаликда ортида қолган оиласи, қариндош уруғи ҳам иснодда қолиши, ўзини ўзи ўлдирганга жаноза намози ҳам адо этилмаслиги эслатиб ўтилди. Фуқаролар ўртасида бундай мудҳиш ҳолатларни олдини олиш учун, покизаликка эътибор бериш, ҳар ҳил ташқи таъсирлардан эҳтиёт бўлиш лозимлиги айтиб ўтилди. Давра суҳбатлари тингловчиларда катта таассурот қолдирди.