Зарафшон шаҳар ФХДЁ бўлими  фаоллар залида "Никоҳланувчи ёшларни оилага тайёрлаш" ўқув курсларининг навбатдаги дарслари бўлиб ўтди. Ушбу ўқув дарсида  шаҳар "Оилавий қадриятларни мустаҳкамлаш" бўлими мутахассиси  Г.Рўзиева ҳамда Зарафшон шаҳар бош отинойиси Л. Мутахаровалар оила қуриш арафасида турган ёшларга  никоҳ одоблари ва талоқ, оилада  қайнона келин муносабатлари, ижтимоий-маънавий муҳитга салбий таъсир қилувчи ҳолатлар,
келажакда фарзандларни  ватанга,  жамиятга мухаббат,  садоқат руҳида, етук фарзанд қилиб тарбиялаш, хотин-қизлар ўртасида кийиниш, сўзлашув, ахлоқ-одоб маданияти,  миллийлигимизга хос бўлган маданиятни кенг тарғиб қилиш, оила муқаддас даргоҳ ва унда оила аъзоларининг ўрни,  эр ва хотинни бурч вазифалари,  шукроналик тўйғусини уйғотиш,
мавзуларида суҳбат олиб борилди. Ўқув сўнгида никоҳланувчиларга сертификатлар берилди.

Кармана тумани "Янги ариқ" мфй Яқиндагина оила қурган ёш келин киёвлардан хабар олиб оила муқаддас эканлигини айтиб уни асраш борасида кенг тушинчалар бердим.
Янги ариқ мфй Отинойиси Б. Мансурова.


13 август 2023 йил Кармана тумани "Гулобод" маҳалла отинойиси М.Сувонова хотин- қизлар фаоли Г.Курбоновалар Буюк ипак йули кўчасида яшовчи аҳоли хонадонларига кириб, 30 - июлдан 30 -авгусгача Республикамизда" Ободонлаштириш ойлиги" муносабати билан хашар ўтказиб уй ховли жойларни кўчаларни супуриб ободонлаштириш ишлари тўғрисида тарғибот ишлари олиб борди.
[medium=left]http://hazratnavoi.uz/uploads/posts/2023-08/1692004367_img_20230814_140837_769.jpg[/mediumж
13-август куни Навбаҳор тумани "Оқ Олтин" маҳалласида яшовчи Жумаевлар оиласининг оилавий келишмовчилиги сабабини билиш учун қайнона Шоира опа билан гаплашдим. Қайнона ва келин ўртасида мажаро чиқиб, келин ота уйга кетиб қолган. Мажаро сабаби майда-чуйда гаплар. Оилавий келишмовчилик сабабларини ўрганиш ва бартараф этиб, оилаларни тиклаш ўртадаги фарзандларни тўлиқ оилада камол топтириш, Оилаларда ижтимоий-маънавий муҳит барқарорлигини таъминлаш, оила муқаддас даргоҳлиги уни асраб авайлаш борасида тушунтириш ишлари олиб борилди.
муросага келтириш чораларини кўришга келишиб олдик.
Оқолтин мфй отинойиси О. Ҳақиева
[medium=left]http://hazratnavoi.uz/uploads/posts/2023-08/1692004423_img_20230814_140830_358.jpg[/medium]





12.08-куни 2-сектор ҳудудида жойлашган маҳаллалардаги келишмовчиликлари мавжуд оилаларда муаммо ва келишмовчилик сабабини ўрганиш мақсадида туман прокурори Б.Исоқов, хотин-қизлар масалалари бўйича ҳоким ўринбосари Г.Эргашова, имом хатиб А.Шодиев,маҳалла раиси Ш.Рустамов,отинойи С.Жумаева, ёш оила вакиллари,уларнинг ота -оналари, маҳалла хотин -қизлар фаоллари иштирокида йиғилиш бўлиб ўтди.Йиғилишда мазкур оилалардан 4 нафар оилага ўзаро келишмовчиликлар туфайли оилавий муносабатларга дарз кетиш сабаблари ўрганилди.
4 нафар оиланинг келишмовчилик сабаблари: Эр- хотиннинг ўзаро келишмовчилиги эканлиги ва 1 нафар оилада қайнона ва келиш ўртасида келишмовчилик борлиги аниқланди.
2 нафар оилага чуқур ўйлаб кўриш ва ярашиш учун муҳлат берилди.
2 нафар:
1- оила яраштирилди.

Чорбоғгузар маҳалласи отинойиси С. Жумаева.







11.08.2023 йил. Қизилрабод маҳалла хотин -қизлар фаоли Ортиқова М, маҳалла отинойиси Ш. Худоёровалар Қизилрабод маҳалласи аёллари билан хонадонма-хонадон юриб, уларни муаммоларини ўрганиб, аёлларга: "Намунали кўча" режаси асосида ободонлаштириш, тозалик,саранжом-саришталик бўйича тарғибот ишлари олиб борилди. Ва яна аёлларимизга ҳар бир хонадон аёллари билан "Хотин-қизлар ўртасида соғлом турмуш тарзига риоя қилиш","Оналар ўртасида ўсиб келаётган фарзандларни ватанга муҳаббатли ва садоқатли , миллатсевар, халқсевар фидоий қилиб тарбиялаш ва уларни фитначи турли ақидапараст оқимларнинг ёт ғоялари таъсирига тушиб қолишдан огоҳ этувчи суҳбатлар қилинди.

Қизилрабод маҳалласи отинойиси Худоёрова Ш.


Нурота туман  Ғозғон шаҳар "Гулистон"  маҳалла "Товоқсоз"  кўча аёллари орасида Ғозғон шаҳар ҳокими ўринбосари, оила ва хотин-қизлар бўлими бошлиғи Д. Эгамова, маҳалла хотин-қизлар фаоли Д. Жумаева, маҳалла отинойиси  Н.Бомуллаева "Маҳаллада  оилавий ажримларни олдини олиш"," Оилада соғлом турмуш тарзини  яратиш",  Ўсиб келаётган ёш авлодни  ватанга муҳаббатли ва садоқатли қилиб тарбиялаш","Аёллар  орасида бидъат ва хурофотларни  олдини олиш" мавзуларда  давра сухбати ўтказдилар.

Навоий шаҳар "Навбаҳор" кўчаси 25 уйда яшовчи Сайфуллаев Акбар турмуш ўртоғи Ҳасанова Саодат билан жанжаллашиб оилавий низога бордилар Уларга оила муқаддаслиги тушунтирилиб, келишиб олишлари учун вақт берилди ва доимий назоратга олинди.

Жорий йилнинг 12- август санасида Учқудуқ туман " А.Навоий" мфй аёллари билан туман бош отинойиси "Оналар ўртасида ўсиб келаётган ёш авлодни ватанга муҳаббатли, садоқатли етук инсон қилиб тарбиялаш", "Аёл-қизларни ватанпарвар, оила ва жамият манфаатига хизмат қилувчи шахс сифатида камол топишини тарғиб қилувчи, турли ақидапараст оқимларнинг таъсирига тушиб қолишдан огоҳ бўлиш" мавзуларида суҳбат олиб борди.
Учқудуқ тумани бош имом хатибининг хотин-қизлар масалалари бўйича ёрдаамчиси О Тўрақулова






Жорий йилнинг 14 август санасида Кармана тумани "Буюк ипак йўли" мфй да ободонлаштириш ишлари борасида тарғибот ишлари давом этмақда. Махалла раиси М. Жумаева отинойи Н. Хусенова, маҳалла тинчлиги, ободлиги хақида тушунтириш ишлари олиб бормоқдалар.


Кармана тумани "А.Навоий" мфй да маҳалла фаоллари билан биргаликда хозирги вақтда ижтимоий тармоқлардаги холатларнинг фарзандимиз тарбиясига кўрсатаётган таъсири ва эрта никоҳнинг салбий оқибатлари, ҳамда оилалардаги ажримлар сабаблари хақида бахс ва музокара ўтказдик.
"А. Навоий" мфй Отинойи Ўроқова М.

14 август санасида Хатирчи туманининг мфй фаоллари З. Шакаров, Л. Раимова, ва отинойи Р. Аюпова, маҳалла фуқоролари хотин-қизлари билан маҳаллада килинадиган ишларни кӯриб чикдик. Ёшларимизга берилиётган имтиёзлар билан таништирдик. Мамлакатимизда барча соҳаларда, диний-маърифий соҳада амалга оширилаётган ислоҳотлардан хабардор қилиш учун суҳбат ўтказдик. Фуқоролар бугунги тинч юртга шукроналик туйғусини ҳис этиб яшашмоқда. Суҳбатимиз қизғин савол-жавоблар асосида манфаатли ўтди.
Хатирчи тумани "Учтепа" мфй отинойиси Аюпова Рахимахон.

Бугун Навбаҳор тумани "Қоражон" маҳалласи "Шўровул" кўчасида яшовчи аёлларга маҳалла отинойиси Хайруллаева Сиддиқа ва маҳалла хотин қизлар фаоли Абдуллаева Ҳафизалар "Эрта турмушни олдини олиш, яқин қариндошлар ўртасидаги никохни олдини олиш, оилавий тадбирлар тўй ва маъракаларни тартибга солиш, аёллар ўртасида жиноятчиликни олдини олиш ҳақида маъруза қилинди.
Қоражон мфй отинойиси Хайруллаева Сиддиқа.


Қизилтепа тумани "Ғойибон" мфй сида, оилавий ажиимларни олдини олиш ва низоли оилалар билан ишлаш куни муносабати билан нотинч оилалар билан сухбат ўтказилди.Бунда Кизилтепа туман оила ва хотин қизлар бўлими бошлиғи ўринбосари М. Агламова, "Ғойибон" мфй раиси К. Хайдаров, ва "Ғойибон" мфй хотин қизлар фаоли Д. Набиевлар билан биргаликда Санъат ва Кумушойларни оилалари мухокама қилинди ва уларга ярашиш учун вақт берилди.
Ғойибон мфй отинойиси Ш. Сафарова.

Учқудуқ туман "Мустақиллик" маҳалласи аёллари билан "Намунали кўча" режаси асосида ободонлаштириш, тозалик, саранжом-саришталик бўйича тарғибот ишлари олиб борилди. Ва яна ҳар бир хонадон  аёллари билан "Хотин-қизлар ўртасида соғлом турмуш тарзига риоя қилиш" мавзусида суҳбат қилинди.
Учқудуқ туман бош отинойиси О Тўрақулова

ЎМИ Навоий вилоят вакиллиги