"Борингизга шукр устозлар"
Бисмиллаҳир роҳманир рохийм. Аллоҳ таолага хамду сано, Пайғамбаримиз Муҳаммад мустафо соллаллоҳу алайҳи васалламга саловотларимиз бўлсин. Оламларни яратувчи Аллоҳ таоло илоҳий Қуръони карим китобини "Алақ" сураси билан бошлаб, Иқроъ яъни ўқи деб Жаброил (а. с.) орқали Муҳаммад (а. с.) вахий нозил қилди. Ўқиб илм олишимизни ва бу илм орқали Аллоҳ таолони танишимиз кераклигини тангри таоло ўзи хохлади. Аллоҳ таоло, агар мени яхши кўрсангиз пайғамбаримга эргашинг деб мархамат қилди. Пайғамбаримиз (соллаллоҳу алайҳи васаллам) бизларга етказган, Қуръон ва хадислар биз учун энг тўғри йўл яъни кўрсатмадир. Биз бу илмларни Пайғамбаримиз (соллоллоҳу алайҳи васаллам) дан кейин аҳли илмлардан оламиз яъни устоз шогирд бўлиб. Инсон ўзига муносиб устоз танлаш керак. Ота она бизни туилишимизга сабабчи бўлсалар, устозлар бизни пастдан юқорига кўтарадилар. Устозсиз шогирд турли йўлга йўл олар деб бекорга айтилмаган. Жамиятда бўладиган барча кўнгил хираликлар, оиладаги жанжаллар, ота онага оқ бўлиш, ажиримлар ҳаммаси илмсизликнинг оқибатидан келиб чиқади деб ўйлайман. Бешикдан қабргача илм изла деб бежизга айтилмаган. Ҳар биримизни Аллоҳ таоло илм аҳилларидан қилсин. Амин.
Навоий шахар. Гулистон мфй отинойиси Т. Бердиева.