Ражаб ойининг фазилатлари.

Ражаб ойи исломий ойларининг еттинчиси-"Ашҳурул-ҳурум" деб аталадиган тўрт муқаддас ойнинг биридир. Яъни бу ойда инсонлар, қабилалар ўртасида уруш, қон тўкиш,тажаввузкорлик қатиян ман этилган. Ражаб сўзи тажриб сўзидан олинган бўлиб, ҳурмат, таъзим, ҳаё қилмоқ, қўрқмоқ маъноларини англатади. Пайғамбаримиз алайҳиссалам: "Ражаб ойи Аллоҳнинг, шаъбон ойи менинг, рамазон ойи умматимнинг ойи"- деганлар.Ражаб ойида қилинган ибодатлар гуноҳлардан поклангани боис, бу ой "Шаҳрул мутаҳҳар ", яъни покланиш ойидир. Бу ойда неча ракъат намоз ўқиш ёки айнан бир дуони ўқиш, ёки қанча рўза тутиш ҳақида буюрилган саҳиҳ ҳадис келтирилмаган.Лекин одатдаги ибодатлар, нафл намоз ва нафл рўзаларни тутиш, Аллоҳнинг ҳузурига йўлланиб илтижо қилиб исталган дуоларни кўпроқ айтиб истиғфор ўқиш Аллоҳга яқинлаштириб гуноҳлардан покланишга воситадир.
Алҳамдилиллоҳ , ражаб ойи келди. Илоҳим дуоларимизни зои етмаўдиган меҳрибон, ҳар ишга қодир Парвадигори олам барчамизни Ражаб ойининг савоб ва барокатларидан баҳраманд этсин.

Навоий шаҳар "Орзу" ва "Тараққиёт" М/Ф/Й отинойиси Г.Усмонова .