ҚИЛИЧ ДАМИДА ТУРГАН ПАЙҒАМБАР

Арабларнинг Кинда қабиласидан саксон киши элчи бўлиб келиб, имон келтиришди ва Муҳаммад алайҳиссаломдан ислом ҳақида сўзлаб беришларини илтимос килишди. "Мени Аллоҳ таоло бутун дунё халқига элчи қилиб юборди- дедилар Расулуллоҳ, Ўзини танитгали, ислом динини ер юзига таратгали келдим. Яна Аллоҳ таоло менга Куръон отлик бир китоб юборди, уни олам аҳлига ўргатгани мени юборди. Бу китобнинг олди-орқаси, ости-усти бутун ҳақлик билан ўралгандир". Сўнгра элчилар Расулуллоҳдан Куръондан беш-ўн оят ўқиб беришларини сўрашди. Расулуллоҳ "Вас-саффот" сурасидан бошлаб тиловат қилдилар. "Вараб бул-машорик" оятига келганларида тўхтаб қолиб, муборак кўзларидан ёш оқа бошлади, соқоллари ҳўл бўлди. Элчилар буни кўришиб: "Ё Расулуллоҳ, сизни юборган раббингизнинг қўрқинчидан йиғлаяпсизми?" - деб сўрашди. Шунда Расулуллоҳ: "Ҳа, шундай. Аллоҳ таоло бир тўғри йўл узра турғизиб, мени халққа пайғамбар қилди. Қилич дамида турурман, бу йўлдан қилчалик чекинсам, ҳалок булурман", дедилар.

Манба асосида ёзилди.
Навоий шаҳар Умид қўрғони Хончорбоғ мфй отинойси Қулбобоева Мавлуда.