Яхшилик яхшида.

Ҳамма яхшилик - Аллоҳ ирода қилган нарсада. Агар сизга ихтиёр берилганда қайси асрда яшашни танлаган бўлар эдингиз? – деб менга савол билан мурожаат қилдилар.
Мен: Аллоҳ таоло мени ҳозирги асрда яшашимни ихтиёр этган экан, имон ва ишонч билан айта оламанки, Аллоҳнинг ихтиёри мен учун ҳамма нарсадан яхшидир.
Саҳобаларнинг асрида яшашни танлаган бўлар эдим, деган жавобни берасиз деб ўйлаган эдик, - дейишди.
Мен: Албатта, саҳобаларнинг асри энг яхши аср саналади, қолаверса улар бизларнинг салафи солиҳларимиз саналадилар. Лекин, шундай бўлсада, Расулуллоҳ саллаллоҳу алайҳи васаллам ўз дўстларини соғинганлар.Саҳобалар: Ё расулуллоҳ, биз сизнинг дўстларингиз эмасмизми? – деб сўрашганда, йўқ, сизлар менинг саҳобаларимсизлар. Менинг дўстларим мендан кейин дунёга келадилар ва мени ўзимни кўрмай туриб менга имон келтирадилар, деганлар.Ҳозирги асрда яшаб, инсу жинларнинг васвасалари авж олган даврда ҳам ислом динига амал қилиб келаётган кишиларнинг мартабаси Аллоҳ таолонинг ҳузурида жуда баланд саналади.

Учқудуқ туман "Айтим" мфй отинойиси М Жабборова