Кечиринг

Қадри самолардай буюк осмоним
Қалби пок, кўнгилга яқин инсоним
Ҳайит айёмида соғинганим хўп
Роббимга айтарим, тилакларим кўп

Ҳаммасидан олдин тушиб кибрдан
Узр сўрамоқни истадим Сиздан
Барча озорларим дилдан ўчиринг
Келинг, Оллоҳ учун мени кечиринг

Нохосдан дилингиз оғритган бўлсам
Яхши амаллардан чалғитган бўлсам
Бехос хафа қилиб қўйган бўлсам гар
Мени деб иш кетган бўлса бесамар

Ўз хатоларимни бугун олиб тан
Айёмни кутайин ёруғ юз билан
Барча озорларим дилдан ўчиринг
Келинг, Оллоҳ учун мени кечиринг

Балки опамдирсиз, синглим яқиним
Акам, қариндошим, жигарим иним
Дўсту биродарим, дугонажоним
Тақдир йўлимдаги азиз инсоним

Барча озорларим дилдан ўчиринг
Бугун Оллоҳ учун мени кечиринг

Учқудуқ туман " Қизилқум" жомеъ масжиди имом хатиби хотин-қизлар масалалари бўйича ёрдамчиси О. Тўрақулова