"ФАРЗАНД ТАРБИЯСИ" Бисмиллаҳир Роҳманир Роҳийм. Аллоҳ таолога битмас-туганмас ҳамду санолар бўлсин. Пайғамбаримизга мукаммал ва батамом салавоту дурудлар бўлсин Мендан сўрашади: “Фарзандларимизни қандай тарбия қиламиз, фитналар кўпайиб кетган, уларни йўқотиб қўйиш жуда осон бўлиб қолган даврда бўлсак?” Мен шундай жавоб бераман: “Уларни олдида бўлинг ва улар ҳар бир нарсада сизни яхши ҳолда топишлари учун ҳаракат қилинг. Намозингизни чиройли адо этинг, айтаётган сўзларингизга эътибор қилинг ва Аллоҳ ҳамиша кузатиб турганини доимо ҳис этиб туринг”. Билгинки, мурувват мерос ўтади, яхшиликни севиш қайтади. Ишларинг сўзларингга тескари келмасин.Сен, эй дўстим оқ либосдай поксан, уни кичик доғ ҳам кир қилади, кўриниб қолади. Саҳобалар, розияллоҳу анҳум, кам гапирар, кўп амал қилардилар. Фарзандларингга уларнинг айтган гўзал сўзларидан кўра бир неча чандон ортиқ бўлган қилган ишлари, солиҳ амалларини ибрат кўрсатиб таълим-тарбия бергин. Ота-оналар, улар вафот этиб кетганларидан сўнг ортларидан (қолдирган зурриётларининг ишларидан) қабрларига етиб турадиган ажру савобнинг улканлигини билганларида эди, ҳар бир амални чиройли ва бекамукўст адо этмоққа тиришган бўлардилар. Аллоҳ таоло сизу бизни яқинларимизга етакчи яхши пешволардан қилсин!
Учқудуқ тумани "Мустақиллик" МФЙ отинойиси Файзиева З.