Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бир тикувчи Яратганнинг дўстларидан бирига савол берди:

– Пайғамбаримизнинг «Яратганнинг гуноҳкор қулининг тавбасини жон келишидан аввал қабул қилади», деган ҳадиси ҳақида нима дейсиз?

Яратганнинг дўсти саволга жавоб беришдан олдин ундан сўрадилар:

Касбинг нима?

– Тикувчиман, кийим тикаман.

– Тикувчиликда энг осон нарса нима?

– Қайчини олиб матони кесмоқдир.

– Неча йилдан бери бу иш билан шуғулланасан?

– Ўттиз йилдан бери.

– Жонинг ғарғарага келганида мато кеса оласанми?

– Йўқ, кесолмайман.

– Бир муддат заҳмат чекиб ўрганганинг ва ўттиз йил осонгина қилган ишингни ўша пайтда қила олмасанг, умрингда ҳеч қилмаган тавбангни қандай амалга ошира биласан? Бугун кучинг борида тавба қил! У пайтда балки қила олмайсан! – дедилар.

Юсуф Товаслий,
«Ҳикматлар хазинаси» китобидан