Савол: - Ассаламу алейкум. Саволим шуки, Қуръону Каримда келтирилган Даруссалом сўзининг маъноси нима?

Жавоб: – Ва алайкум ассалом! "Дорус салом"дан мурод Аллоҳ мўмин бандаларига тайёрлаб қўйган жаннатдир. Унинг бундай деб номланишига сабаб, у диёрнинг аҳли ҳар қандай офату озордан саломат бўлади. Салом – саломатликдир.
Ёки жаннат аҳлининг сўрашиши "салом" бўлади.
Ёки Аллоҳнинг исмларидан бири "Салом" бўлиб, жаннатнинг шаъни ва қадрини улуғлаш мақсадида бу диёр "Дорус Салом" дея Аллоҳнинг исмига изофа этилган.
Аллоҳ янада билгувчи.

Мубашшир Аҳмад