Бу чеклов, Маккадаги “Масжидул-Ҳаром” масжиди ва Мадинадаги “Масжиди Набавий” ҳудудида фото, видео ва селфига тушиш билан боғлиқ.
Саудия Арабистони Ташқи ишлар вазирлиги томонидан берилган маълумотга кўра, бундай чекловлардан мақсад муқаддас жойларнинг муҳофазаси ва хавфсизлигини таъминлаш ҳамда ҳожиларнинг ибодатларни эркин бажаришлари учун қулайликлар яратишдан иборатдир.
Суратга олиш билан боғлиқ бўлган чекловларни бузганлар учун қонуний чоралар қўлланилади ҳамда суратга олиш қурилмалари мусодара қилинади.
Бундан аввалроқ Индонезиянинг “Джакарта Пост” газетаси Саудия Арабистони ҳукуматининг бундай қарорга келишининг сабаби сифатида, зиёратга келувчилар орасида икки муқаддас масжидда (“Масжидул-Ҳаром” ва “Масжиди Набавий”) оммавий тарзда селфига тушиш ва суратларни ижтимоий тармоққа жойлаш урфга айланиб қолганини келтириб ўтган эди.

Манба: islamcenter.uz