2023-йил, 27-апрел. Хатирчи туман "Гадой Селкин" жомеъ масжидида туман отинойиларининг навбатдаги
"Маърифат дарси" бўлиб ўтди. Туман бош имоми Мустафо домла, диний қўмита вакили Мақсуд Отақулов, бош отинойи Р. Раззоқова ва барча отинойилар иштирок этди. Аёллар орасидаги маросимларда бидъат-хурофотларга йўл қўймаслик, фатвода эҳтиёт бўлиш, норасмий "отинойилар" фаолиятига чек қўйиш каби долзарб масалалар муҳокама қилинди. Отинойилар керакли саволларига жавоб, тушунмовчиликка ечим топишди.
Навоий шаҳар "Бунёдкор" мфй раиси, ёшлар етакчиси, аёллар фаоли ва махалла отинойиси К. Худояровалар биргаликда маҳалла фуқароларининг аҳволидан хабар олиб , ижтимоий кўмакка мухтож оилаларга ҳам моддий ёрдам бердилар. Отинойи К. Худоярова.
Ассалому алайкум ! Шукрона қишлоғимизда яшовчи, ижтимоий ҳимояга муҳтож Собирова Хосият опа тўй бошлаганлар. Бу оилага қишлоғимиз ҳамжиҳат бўлиб, керакли ёрдам беришмоқда. Улар билан оилавий муносабатлар, тўй ва маракаларни урф-одатларга мос равишда ўтказиш, ҳамда маслаҳатлашиб маракани оила ҳолатига эътибор берган ҳолда амалга ошириш кераклиги ҳақида суҳбатлашдик.
Ҳафқориён Мфй отинойиси Шоназарова Меҳригул.
Навбаҳор туманида фаолият юритаётган отинойилар иштирокида Навбаҳор тумани дин ишлари бўйича мутахассиси Ж. Сатторов "Хотин-қизлар ўртасида радикаллашувнинг олдини олиш" мавзусида ва отинойиларнинг апрель ойида бажарган ишлари таҳлили натижалари ва отинойиларнинг келгуси ойда бажарадиган ишлар тўғрисида Ж.Сатторов етарлича тавсиялар бердилар.
Нурота тумани "Нурфахр" махалла отинойиси М.Асомова шу махалла аёллари орасида "Шукроналик неъматлари" ,"Оилада қайнона-келин муносабатлари ва ўзаро иззат-хурмат " мавзусида суҳбат ўтказди.
ЎМИ Навоий вилоят вакиллиги
