Жорий йилнинг 08-февраль санасида Алишер Навоий жомий масжидида Умра сафарига кетувчи хотин-қизларимиз учун Умра сафар одоблари тўғрисида навбатдаги машғулот дарси бўлиб ўтди. Бунда дин ишлари бўйича Қумитанинг вилоятдаги вакили Р. Шербўтаева, ЎМИ вилоят вакили бош имом хатиби хотин-қизлар масалалари бўйича ёрдамчиси У. Холовалар, хожиларимиз Умра сафари давомида қандай тарзда ибодатларни бажаришлари, тартиб қоидалари, зиёратдан кўзланган мақсад, ибодатларни савоб даражалари, сафар давомидаги манзиллар ва муборак маконларда бажариладиган амаллар, Умра сафаридан қайтгандан сўнг мусулмон кишига хос бўлган амалларда бардавом бўллган ҳолда, махалла ва жамоат ишларида, тўй марака маросимларни исрофгарчиликсиз ўтқазиш, ёшлар тарбиясида масъул бўлиб, маҳаллада ибрат бўлишлари тўғрисидаги тушунчаларни бериб ўтдилар. Бўлажак ҳожиларимиз қўшимча равишда ўзларини қизиқтирган хотин - қизларга хос бўлган саволларни беришиб, ўзларига керакли бўлган жавобларни олдилар.
Жорий йилнинг 08.02.2023 йил санасида Навбахор тумани "Жўра хатиб бобо" масжидида туманда фаолият юритаётган расмий отинойилар, кайвони аялар ва фаолият юритмаётган норасмий отинойлир билан биргаликда тадбир бўлиб ўтди. Тадбирда дин ишлари бўйича қўмитанинг вилоятдаги вакили Р.Шербўтаева, ЎМИ вилоят бош имом хатиби хотин-қизлар масалалари бўйича ёрдамчиси У. Холова, қумитанинг ҳудудий бўлим мутахассиси Ж.. Сатторов, туман бош имом хатиби Ф. Тошевлар иштирок этдилар. Тадбирда отинойилар фаолиятини ривожлантириш, ажримларни олдини олиш, бидъат хурофотларни, исрофгарчиликни олдини олиш, нарасмий отинойилар фаолиятига чек қўйиш, ЎМИ томонидан чиқарилаётган жума тезислари, масжид ходимларининг иш юзасидан жаноза одоблари борасидаги масалалар кўриб чиқилди. Фаолият юритаётган отинойилар ишлари юзасидан дин ишлари бўйича қумитанинг вилоятдаги вакили Р. Шербўтаева, ЎРҚ-699.Ўзбекистон Республикасининг Виждон эркинлиги ва диний ташкилотлар тўғрисидаги қонуннинг амалдаги ижроси бўйича қумитанинг ҳудудий бўлими мутахассиси Ж. Сатторов, марака маросимларни исрофгарчилик ва бидъат хурофотларга чек қўйган ҳолда ўтқазиш, жума тезислари асосида фаолият юритиш, жаноза одоблари юзасидан вилоят бош отинойиси У. Холова, туман отинойиларининг бугунги кундаги мажбуриятлари, низомий бурч вазифалари, тарғиботдаги фаолиятлари борасида туман бош имом хатиби Ф. Тошевлар нутқ сўзладилар. Тадбир сўнгида отинойиларга керакли йўл йўриқ ва тавсиялар берилди.
ЎМИ Навоий вилоят вакиллиги
