Бугун Навоий вилоятида имконияти чекланган шахслар билан "Сиз бизга кераксиз" шиори остида, "Миссионерликдан огоҳ бўлинг" мавзусида тадбир бўлиб ўтди. Тадбирда ЎМИ хотин қизлар масалалари бўйича мутахассис Мунира Абубакирова, Навоий вилояти бош отинойиси У. Холова, Навоий вилояти бош имом хатиби Т. Рўзиев, Вилоят ҳокими ўринбосари Ғ. Мусурманов, Кармана тумани бош имом хатиби Б. Ҳакимов, ҳамда шаҳар ва туман бош отинойилари иштирок этдилар. Тадбирни вилоят бош имоми кириш сўзи билан бошладилар. Вилоят бўйича юз нафар имконияти чекланган фуқаролар таклиф қилинди. Миссионерликдан қайтган имконияти чекланган фуқоролар, ислом динида кўп яхши ва ибратли илмий суҳбатлардан баҳраманд бўлаётганликлари, ислом дини поклик дини, ва жаннатга элтувчи йўл эканлигини батафсил тушунтириб ўтдилар. Бундан ташқари қўл меҳнатлари асосида қилинган ишлари бўйича ярморка ташкил этилиб хомийлар томонидан жажжи болажонларга ширинликлар улашилди. Вақф жамоат фонди томонидан уч хил турдаги китоблар юз нафар имконияти чекланган фуқароларга тақдим этилди. Тадбир сўнгида барча йиғилганларга ош тақдим этилди.ЎМИ Навоий вилоят вакиллиги
