БМТ томонидан 3-декабр Халқаро ногиронлари куни деб эълон қилинган. Ушбу кун бутун дунё бўйлаб нишонланади. Бундан асосий мақсад ақлан ва жисмонан нуқсони бор замондошларимизни ҳар томонлама қўллаб- қувватлаб, оз бўлсада кўнгли кам инсонларга шодлик бағишлашдир. Дунёда тахминан 1 миллиардга яқин ногиронлар истиқомат қилади ва уларнинг барчаси жамият ҳаётидаги кенг кўламли, самарали ва тенг ҳуқуқли иштирокини чеклайдиган, жисмоний, ижтимоий - иқтисодий тўсиқларга дуч келади БМТ маълумотига кўра, улар таълим, меҳмат, соғлиқни сақлаш ҳамда ижтимоий ва ҳуқуқий кўмак каби асосий манбалардан тенг равишда фойдалана олмайди.

Инсонлар ўртасида ўзаро меҳр-оқибат, хайрли ишларни амалга ошириш, беғараз ёрдам кўрсатиш миллий қадриятларимиз илдизларидан бўлиб, истиқболимиз шарофати билан барҳаёт яшнаб келмоқда. ЎМИ Навоий вилояти вакиллиги ҳамда "Вақф" ХЖФ ташаббуси билан Кармана тумани Қосим Шайх жоме масжиди ходимлари ҳам бу кун муносабати билан ногиронлар жамиятига бориб ҳадиялар тарқатишди. Ижтимоий ҳимояга мужтож оилалар ҳолидан хабар олиб, улар билан дилдан суҳбат олиб боришди.

ЎМИ Навоий вилояти вакиллиги