Навоий шаҳридаги 9 сонли умумтаълим мактабида "Ҳаёт-гўзал, умр-бебаҳо" мавзусида тадбир бўлиб ўтди. Тадбирда вилоят бош имом хатиби Т.Рўзиев бизга берилган ғанимат ҳаётдан самарали фойдаланиш лозимлиги тўғрисида гапирди. Кармана тумани 6 сонли мактабида ўтказилган тадбирда туман бош имом хатиби М.Юнусов маъруза қилди. Кармана тумани 3 сонли мактабда ўтказилган тадбирда Мавлоно Ориф Дегароний масжиди имом хатиби С.Бобоназаров маъруза қилди.
Шунингдек, шу мавзудаги тадбирлар Навбаҳор туманидаги 14 ҳамда 22 сонли мактабларида ҳам ўтказилди. Навбаҳор тумани Ахтам Сахоба масжиди имом хатиби 12 умумтаълим мактабида бўлиб, 60 нафардан ортиқ ўқувчиларга "Ҳаёт-гўзал, умр-бебаҳо" мавзусида маъруза қилди. Туман бош имом хатиби Ф.Тошев 22 умумтаълим мактабида маъруза қилди.
