Қизилтепа тумани "Фурқат" МФЙда ажримга келган оила яраштирилди. Қизилтепа тумани имом хатиби З.Орипов, ИИБ ходимлари, маҳалла билан биргаликда оилавий муаммо бартараф этилди. Имом хатиб З.Орипов томонидан "Оила муқаддас даргоҳлиги", унинг муқаддас қўрғонини бузмасликка эру хотин бирдай жонкуйдиришлари кераклигини айтди. Барча тушунтириш ишларидан сўнг, оила аъзолари ўзаро тинч яшашга келишишди.Навбаҳор тумани "Оқолтин" МФЙда ўз онасига қўл кўтарган фарзанд билан суўбат ўтказилди. Туман имом хатиби Ф.Тошев "Ота онага оқ бўлиш", унинг гуноҳи кабиралгини, уларга қўл кўтарган фарзанд бу дунёда ҳам охиратда ҳам жазосиз қолмаслиги ҳақида сўзлади. У сўзи давомида ота-онага оқ бўлиш шу даражада оғир гуноҳлигини, Аллоҳ таоло унинг жазосини шу дунёнинг ўзидаёқ тезлаштириб беришини ҳадис билан изоҳлади: Расулуллоҳ (соллаллоҳу алайҳи ва саллам): "Аллоҳ таоло ҳар бир гуноҳдан хоҳлаганини (яъни, жазосини) қиёмат кунига кечиктиради. Ота-онага оқ бўлиш бундан мустаснодир. Зеро, Аллоҳ таоло уни (ота-онага оқ бўлишни) эгасига ўлимдан олдин, шу дунё ҳаётидаёқ (унинг жазосини) тезлаштиради”, деганлар. Фарзанд ўзига керакли хулосани чиқариб, онасидан кечирим сўради.
