14-декабрь куни Умра сафарига йўл олган вилоятимиздан кетган 45 нафар фуқаролар 24-декабрь куни Навоий шаҳрига қайтиб келишди. "Алишер Навоий" масжидида уларнинг яқин қариндошлари, ЎМИ Навоий вакиллиги ходимлари ва ИИБ ходимлари билан бирга кутиб олинди. Барчалари соғ-саломат юртимизга қайтиб келишганидан, уларга сафар давомида бўладиган қийинчиликлар бўлмаганлигидан, меҳмонхоналардаги яратилган шарт-шароитларни қайта-қайта такрорлаб, Юртбошимизни ва халқимизни кўп дуолар қилишди. Барчалари қувонч кўз ёшлари билан ўз уйларига тарқалишди.
