Навоий вилоятидан Умра ибодатига жўнаб кетган 20 нафар фуқаролар зиёратдан омон-эсон қайтиб келишди. "Рамазон ойида қилинган умра - ҳаж билан баробар" деганлар расулуллоҳ соллаллоҳу алайҳи васаллам. Мана шундай бахт бизнинг вилоятдошларимизга ҳам насиб этди. Зиёратчиларни Навоий шаҳар темирйўл вогзалида кутиб олишди. Зиёратчиларнинг бундай бахтдан мамнун эканликлари уларнинг порлоқ чеҳраларида ўз аксини топди.