Тунда ўқи Қуръонни, кунда ўқи Қуръонни.
Улуғлайди инсонни , бир ойда бир хатм қил.

Росулуллоҳ суннати, бордир улуғ ҳикмати.
Топсанг агар фурсатин , бир ойда бир хатм қил.

Масжид сари қўй қадам, беш вақт намозинг - ҳамдам.
Кунглинг - ёруғ, тан - бардам.
Бир ойда бир хатм қил.

Кириб келди Рамазон, улуғ савобга имкон.
Кейин бўлмасин армон, бу ойда бир хатм қил.

Занжирбанддир Азозил, фур сатни ғанимат бил.
Гуноҳларинг балки мўл , Ҳазрат йиғла, тавба қил.
Бир ойда бир хатм қил .

Навбаҳор тумани "Арабхона катта" жоме масжиди имом хатиби ҲАЗРАТ ИСМОИЛОВ