Рамазон шукуҳи.
Рамазон — Қуръон ойи.
Бу ойда мусулмонлар Қуръони Карим китобини камида бир марта хатм қилишади, моҳирлари икки, уч, тўрт ,беш мартагача хатм қиладилар.
Аллоҳ рози бўлсин.
Баъзи бирларимиз фарзандларимизга ушбу муборак ойда суралар ёд олдирамиз.
Шундай суралардан бири аёл—қизларимиз ўрганиши лозим бўлгани Воқеа сурасидир.
Мен ҳам бу сурайи каримани қизларимга ўрганишларини тавсия этганман, ўқиб ўрганишган.
Воқеа– қиёмат номларидан бири. Воқеа сурасида қиёмат қоим бўлганда рўй берадиган ҳодисалар баён этилган, охиратда бандалар оладиган мукофотлари, жаннат неъматлари, дўзах аҳлининг азоб-уқубатлари тафсилоти келтирилган.
Ибн Асокир нақл қилишича, Абдуллоҳ ибн Маъсуд розияллоҳу анҳу вафот этиши арафасида бетоб бўлиб қолди. Усмон ибн Аффон розияллоҳу анҳумо уни кўргани бориб, ҳол-аҳвол сўради:
– Нимадан шикоятинг бор?
– Гуноҳларимдан.
– Нимани хоҳлайсан?
– Парвардигорим раҳматини.
– Сенга табиб буюрайми?
– Табиб (яъни, Аллоҳ) мени бетоб қилди.
– У ҳолда сенга совға-салом буюртирайми?
– Ҳожати йўқ.
– Сенга керак бўлмаса, қизларингга қолади.
Ибн Масъуд розияллоҳу анҳу бунга жавобан бундай деди:
– Қизларим камбағал бўлиб қолишларидан қўрқяпсанми? Мен уларга ҳар кеча Воқеа сурасини ўқишни буюрганман. Чунки Расулуллоҳ соллаллоҳу алайҳи васаллам: “Ким ҳар кеча Воқеа сурасини ўқиса, зинҳор қашшоқликка учрамайди”, деганларини эшитганман.
Тунда Воқеа сурасини бошидан охиригача ихлос билан ўқиган одам қашшоқлик кўрмайди: ризқи кенг бўлади, касб-корига барака киради. Тажрибада синаб кўрганлар бунинг ҳақиқат эканини таъкидлашган.
Воқеа сураси кенг ризққа сабаб бўлиши ҳақида бундан бошқа ривоятлар ҳам бор. Жумладан, Анас ибн Молик розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Воқеа бойлик сурасидир. Уни (ўзингиз) ўқинг, фарзандларингизга ҳам ўргатинг”, деганлар (Ибн Мардавайҳ ривояти).
Биз ҳам қизларимизга Воқеа сурасини ўргатиб қўйишимиз керак, чунки улар отаси, акаси, укаси, эрта бир кун вояга етиб узатилгач хожаси ҳаққига дуолар қилади, ин шааллоҳ.
Хатирчи тумани "Гулистон" МФЙ отинойиси Ҳ. Саматова.
Рамазон — Қуръон ойи.
Бу ойда мусулмонлар Қуръони Карим китобини камида бир марта хатм қилишади, моҳирлари икки, уч, тўрт ,беш мартагача хатм қиладилар.
Аллоҳ рози бўлсин.
Баъзи бирларимиз фарзандларимизга ушбу муборак ойда суралар ёд олдирамиз.
Шундай суралардан бири аёл—қизларимиз ўрганиши лозим бўлгани Воқеа сурасидир.
Мен ҳам бу сурайи каримани қизларимга ўрганишларини тавсия этганман, ўқиб ўрганишган.
Воқеа– қиёмат номларидан бири. Воқеа сурасида қиёмат қоим бўлганда рўй берадиган ҳодисалар баён этилган, охиратда бандалар оладиган мукофотлари, жаннат неъматлари, дўзах аҳлининг азоб-уқубатлари тафсилоти келтирилган.
Ибн Асокир нақл қилишича, Абдуллоҳ ибн Маъсуд розияллоҳу анҳу вафот этиши арафасида бетоб бўлиб қолди. Усмон ибн Аффон розияллоҳу анҳумо уни кўргани бориб, ҳол-аҳвол сўради:
– Нимадан шикоятинг бор?
– Гуноҳларимдан.
– Нимани хоҳлайсан?
– Парвардигорим раҳматини.
– Сенга табиб буюрайми?
– Табиб (яъни, Аллоҳ) мени бетоб қилди.
– У ҳолда сенга совға-салом буюртирайми?
– Ҳожати йўқ.
– Сенга керак бўлмаса, қизларингга қолади.
Ибн Масъуд розияллоҳу анҳу бунга жавобан бундай деди:
– Қизларим камбағал бўлиб қолишларидан қўрқяпсанми? Мен уларга ҳар кеча Воқеа сурасини ўқишни буюрганман. Чунки Расулуллоҳ соллаллоҳу алайҳи васаллам: “Ким ҳар кеча Воқеа сурасини ўқиса, зинҳор қашшоқликка учрамайди”, деганларини эшитганман.
Тунда Воқеа сурасини бошидан охиригача ихлос билан ўқиган одам қашшоқлик кўрмайди: ризқи кенг бўлади, касб-корига барака киради. Тажрибада синаб кўрганлар бунинг ҳақиқат эканини таъкидлашган.
Воқеа сураси кенг ризққа сабаб бўлиши ҳақида бундан бошқа ривоятлар ҳам бор. Жумладан, Анас ибн Молик розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Воқеа бойлик сурасидир. Уни (ўзингиз) ўқинг, фарзандларингизга ҳам ўргатинг”, деганлар (Ибн Мардавайҳ ривояти).
Биз ҳам қизларимизга Воқеа сурасини ўргатиб қўйишимиз керак, чунки улар отаси, акаси, укаси, эрта бир кун вояга етиб узатилгач хожаси ҳаққига дуолар қилади, ин шааллоҳ.
Хатирчи тумани "Гулистон" МФЙ отинойиси Ҳ. Саматова.
