Бизнинг муқаддас ислом динимизда хар бир инсоннинг жамиятда ўзига яраша ўрни ва ҳурмати бор еканлиги баён етилган Ислом тарихига назар солсак, жохилиятда аёлларнинг деярли ҳуқуқлари бўлмаган. Қай бир хонадонда қиз туғилса у оила мотам тутар, уни тириклайин кўмиб юбориш одат тусига кирган еди. Бунга сабаб динсиз иймонсиз кишиларнинг жахолат ва кибр-ҳаволари бўлиб айрим тарихчи уламолар бу разолатни бир воқеага боғлашганлар узоқ ўтмишда бутун араб жазираси Нумон исмли подшох қўли остида бўлиб,барча қавм кабилалар унга бож тўлар едилар.
Бир йили қабилалардан бири зиммаларидаги солиқни тўлашдан бош тортишганда подшоҳ аскарлари бостириб келишиб у қабилани хамма хотин-халаж, ўғил қизларини асир қилиб олиб кетишган ва уларни ўз қабилаларига кайтариш учун бож тўлашини шарт қилишган экан. Бу талаб бажарилгунча орадан ўтган фурсат ичида қабила бошлиғининг қизи билан подшохнинг ўғли бир бирига кўнгил қўйиб қолишган экан. Шунинг учун қиз бошқалар сафида ўз юртига қайтиб кетишдан бош тортибди. Ҳеч қандай дўқ пўписа ва ялиниб ёлворишлар кор килмагач, қизнинг отаси қабила бошлиғи душманига кўнгил қўйиб, ўзини шарманда килган қизидан ниҳоят даражада ғазабланиб бундан кейин қиз фарзанд кўрса, албатта,тириклай ерга кўмишга қасам ичади. Шундай қилиб,бу қабиҳ одат авлоддан авлодга ўтиб,тарқаб келаверган. Ислом дини бу одатларни қаттиқ қоралади ва ман этди. Аллох тало қуръони каримда барча инсонлар жинсидан қатъий назар тенг экани ва уларни бир жондан яратганини баён қилади. “Эй одамлар! сизларни бир жон(одам)дан яратган ва ундан жуфти(ҳаво)ни яратган ҳолда иккисидан кўп эркак ва аёлларни яратган. Роббингиздан қўрқингиз!..(Нисо сураси 1-оят)
Аёллар исломда она, опа- сингил, жуфти ҳалол ва қиз сифатида ҳурматланади. Улар мерос олади ва мерос қолдиради.
Пайғамбар алайҳиссалом яратилиши жиҳатидан эркак ва аёлларнинг асли бирлиги ҳақида шундай дейди.
“Албатта, аёллар эркакларнинг туғишганлари” (Имом Абу Довуд ривояти). Исломда фарзанд тарбияси, рўзғор ишлари, шундай бўлсада улар эрларини савобли ишларига тенг шерикдирлар ҳатто, аёлларни туғишдаги қийноқларини эркакларнинг душманга қарши уришларига тенглаштирган. Оналарнинг бир фарзандни ўстириб, тарбиялаб вояга етказишдаги савобига исломда тавҳид ва намоздан бошқа амални савобига тенглаша олмайди.
Ислом аёл кишига илм олиш, жамиятнинг тенг ҳуқуқли аъзоси сифатида умр гузаронлик қилишга имкон берди.
Оиша (разияллоху анхо) пайғамбаримиз (соллаллоху алайҳи вассаллам)дан ҳадис ривоят қилиш бўйича иккинчи ўринда туради. Ҳозирги кунда барча аёлларимиз жамият, сиёсат ва шариат майдонларида ўз ўрни ва овозига эга.
Шунингдек, аёлларни ўзларига муносиб ишлар билан таъминлаш тадбиркорлик қилишлари учун шароит яратиш, маҳаллаларда “Аёл-
лар дафтари” очилиши ва бу бўйича ночор аёлларга ёрдам берилиши ёлғиз аёлларга имтиёзли уйлар ажратилиши каби аёлларни қўллаб-кувватлаш ишлари олиб борилмокда.
Шунингдек, аёллар еҳтироми учун юртимизда 8-март куни “халқаро хотин-қизлар байрами” сифатида белгиланган. Бизни улуғлаб аёл зотидан қилиб яратган Аллоҳга ҳамдлар бўлсин!
Барчамизга байрам муборак бўлсин!
Қадрингиз ва қаддингиз баланд бўлсин!