Моҳи Рамазон .
Кириб келаётир моҳи Рамазон
Сени кутаяпти ҳар бир мусулмон
Сенда нозил бўлган муқаддас Қуръон
Ойлар султонисан моҳи Рамазон
Сени келганда шайтон боғланар
Дўзах эшиклари ёпилар шу он
Дўзахдан маййитлар озод бўлади,
Жаннат эшиклари очиқдир ҳар он
Сен келганда бошланар хатми Қуръонлар
Закотларин берар бой зодагонлар
Бева-бечоралар ҳолин сўрарлар
Етим уйи тўлиб, кўнгли шод бўлар.
Ота-оналарнинг кўнглини олар
Аллоҳ ризолигин истаган инсон
Қўшниларни чақириб қиларлар ифтор
Меҳр ойидирсан моҳи Рамазон.
Ўн икки ойнинг султони сен сан
Ойларнинг ичида гултожи сен сан
Сен туфайли жаннатда очиқдир Раййон
Муқаддассан, Муқаддас моҳи Рамазон.
Сенда бордир ажр, сенда бор Сабр
Сенда бордир меҳр, сенда бор
шукр
Сенда покланиш бор, сенда бор
Қадр
Қуръон ойидирсан моҳи Рамазон.

Зарафшон шаҳар" Алишер Навоий" мфй отинойиси М.Мелиева