Рамазон ойи муборак !

Ассалому алайкум ва роҳматуллоҳи ва барокатуҳ!
Азиз биродарлар моҳи Рамазоннинг кириб келиши мўминлар қалбини шодликка тўлдирди. Бу муборак ой юртимизга барака ва раҳматлар олиб келсин !
Расулуллоҳ соллаллоҳу алайҳи васаллам Рамазон ойини фазилати хусусида шундай марҳамат қиладилар: "Бу ойнинг аввали раҳматдир, ўртаси мағфират ва охири эса дўзахдан нажотдир" (Бухорий ривояти).
Шундай экан Аллоҳим ҳар бир мўмин бандани ушбу ойда раҳмат, мағфират ва дўзахдан озод бўлиш бахтига муяссар қилсин !
Барчамизга Рамазон ойи муборак бўлсин !

Ойлар ичра энг муборак
Ўқинг Ёсину, Таборак
Дуолар бўлар ижобат
Олам раҳматга тўлажак
Рамазон ойи муборак !

Иймонимиз янгиланар
Қалбларимиз жонланажак
Тарқоқ фикр йиғилажак
Олам раҳматга тўлажак
Рамазон ойи муборак !

Ғафлатли кўзлар очилсин
Гуноҳкорлар тавба қилсин
Тилимизда зикр бўлсин
Олам раҳматга тўлажак
Рамазон ойи муборак !

Кўпроқ қилинг хатми Қуръон
Қалблар шундан топсин ором
Буюк Зотдан бизга инъом
Олам раҳматга тўлажак
Рамазон ойи муборак !

Мўминларнинг ортиб шукри
Жонланар тилида зикри
Гўзал амал қилмоқ фикри
Олам раҳматга тўлажак
Рамазон ойи муборак !

Яхшиликлар жамланган ой
Ибодатлар қабул бу ой
Берма гўзал фурсатни бой
Олам раҳматга тўлажак
Рамазон ойи муборак !

Саховатда бўл пешқадам
Қалбинг нурга тўлар шу дам
Ўрнак олай сендан мен ҳам
Олам раҳматга тўлажак
Рамазон ойи муборак !

Ҳафқориён мфй отинойиси Шоназарова Меҳригул.