Хуш келдинг,  Рамазон!
Уммати Мухаммадга моҳи Рамазон муборак!
Аҳли Ислом юртига моҳи Рамазон муборак!
Роббим улуғ айлаган, қулларини шайлаган,
Жаннат сари йуллаган, моҳи Рамазон муборак!

Қалблар муштоқ кутамиз,
Пойингга гул сочамиз.
Эшиклар кенг очамиз,
Моҳи Рамазон, марҳабо!

Сенда нафсни поклаймиз,
Тақво томон боргаймиз,
Мағфиратлар тилаймиз,
Моҳи Рамазон, марҳабо!

Таровеҳлар ўқилар,
Хатми Қуръонлар бўлар,
Юртимга нур ёғилар,
Моҳи Рамазон, марҳабо!

Раҳматлар эшик очар,
Мағфиратлар улашар,
Шайтонлар "дод" лаб қочар,
Моҳи Рамазон, марҳабо!

Қуръон ойи ўзингсан,
Раҳмон ойи ўзингсан,
Эҳсон ойи ўзингсан,
Моҳи Рамазон, марҳабо!
Шаҳри Рамазон, марҳабо!