Ёшларни эътиборини илм-маърифатга қаратиш.

Фарзандларни ёшлик чоғларидан бошлаб илму маърифатга қизиқтириб, ўргатиш лозим. Дунёвий, диний илму-фанларни қайси соҳасига бўлса ҳам қизиқиб, ўқиб-ўрганиб, олий маълумотли мутахассис бўлган киши ўзи, оиласи, яқинлари, халқи ва ватани учун манфаат келтирадиган инсон хисобланади. Фарзандларни кўча-кўйда беҳуда тентираб, ножўя ҳаракатлар қилиб, ахлоқсиз бўлиб қолишидан асраб, уларни ўқиш-таълимдан бўш вақтларни тўғри тақсимлаш эътибор қаратиш ўта муҳим. Ислом таълимотида ёш авлоднинг жисмоман соғлом ва бақувват бўлиб ўсишига жиддий аҳамият берилган. Мамлакатимизда ёшларни, ўсмирларни соғлом ўсиб-улғайиши, илм олиши, касб-ҳунар эгаллаши учун барча имкониятлар мавжуд. Жумладан:"Камолот" ёшлар ижтимоий ҳаракати,"Меҳр нури" , "Соғлом авлод учун", "Болалар","Сен ёлғиз эмассан","Ўзбекистон болалар спортини ривожлантириш" "Меҳр-шавқат ва саломатлик", "Мактаб таълими" каби жамғармалар фаолият юритмоқда.
Тарбияда илм-маърифатни муҳим аҳамияти ҳақида Пайғамбаримиз алайҳиссалом шундай марҳамат қилганлар :"Бешикдан қабргача илм изла" ва яна :"Илм Хитойда бўлса ҳам уни излаб топиб эгаллангиз. Зеро илмни талаб қилиш ҳар бир муслмонга фарздир".
Ёшларимизни илму-ҳунар ўрганиш билан бирга ахлоқ ва одоб фазилатларини ҳам мукаммал эгаллашларини таъминлашимиз зарур.Илоҳим келажагимиз бўлган ўғил-қизларимиз, невараларимиз салоҳиятли илм-маърифатли, иймон-инсофли бўлишсин. Ўзларини ҳам, ўзгаларни ҳам қадрини биладиган маънавияти юксак, солиҳ-солиҳалар бўлиб кўзимизни, қалбимизни қувонтиришсин .Амин.


Навоий шаҳар "Орзу" ва "Тараққиёт" М/Ф/Й отинойиси Г.Усмонова