Ватанимиз рамзлари.
"Ўзбекистон Республикаси Давлат байроғи тўғрисида" ги қонун 1991-йил, 18-ноябрда Ўзбекистон Республикаси олий кенгашининг навбатдан ташқари ўтказилган 7-сессиясида қабул қилинган.
Давлат рамзлари ҳар бир мамлакатнинг суверенитети ва мустақиллигини ифодаловчи муқаддас тимсолдир. Шу маънода байроғимиз ғурур ва фахримиз тимсолидир. Ватанимизнинг беқиёс рамзидир. Қуёш кўкда фалакнинг байроғи бўлиб порлаб турибди, инсон кўнглида муҳаббат байроғи ҳилпирайди, онгимизни эса тафаккур байроғи руҳлантиради. Озод ва обод Ватанимиз-Ўзбекистоннинг байроғи ҳам бизни улуғ мақсадлар томон бошловчи буюк машъаладир.
Давлат байроғи ва унинг рамзи бугунги Ўзбекистон ҳудудида қадимда мавжуд бўлган давлатлар билан тарихан боғлиқлигини англатади ҳамда юртнинг миллий маданий анъаналарини ўзида мужассамлаштиради.
Ер юзида 200 дан ортиқ давлат бор ва ҳар бир давлатнинг ўз рамзлари, байроғи бор. Ҳар бир байроқ айро ранг ва тимсолларга эга. Улар билан ёнма-ён балқиб турган байроғимиз ҳеч кимдан кам эмаслигимиз ва кам бўлмаслигимизни кўрсатиб туради.
Шуни таъкидлаш жоизки, байроқ қадим-қадимдан ҳар бир халқ учун мустақиллик, ҳурлик, тенглик ва барқарорлик тимсоли бўлиб келган. Аждодларимиз ҳам юрт байроғини муқаддас билиб, уни кўз қорачиғидек асраганлар.
Миллат байроғи жондек азиз, нондек мўътабар. Буюк соҳибқирон Амир Темур ғолиблик байроғини юксак кўтарди. Бу байроқ остида буюк эл бирлашди, у барпо этган улуғ салтанатни дунё тан олди. Бу давр ватан тарихига зарҳал ҳарфлар билан битилди. Байроқ эса том маънода мамлакат рамзи, улуғворлик тимсолига айланди, жангчиларга жанговар руҳ бағишлаш, уларнинг кайфиятини кўтариш, иродасини чиниқтириш мақсадида жанг майдонлари узра баланд ҳилпираб турди.
Ватан ҳимоясидек муқаддас бурчни мардона ўташ учун байроғимизни ўпиб қасамёд қилаётган ҳарбийларимизнинг қалбидаги оловни, кўзларидаги жўмардликни кўриб, фахрланамиз. Ҳар бир инсон онгу шуурига Ватанимиз рамзларига нисбатан чуқур ҳурмат туйғуларини сингдириш, умуммиллий ва эҳтиром тимсоллари бўлган байроқ, герб ва мадҳиямизни улуғлаш ва ардоқлаш барчамизнинг бурчимиздир.
Токи, байроқ бор экан, миллат бор, давлат бор, Ватан бор. Ўзбекистон фарзандлари қаерда бўлмасин, қандай натижаларга эришмасин Ватан байроғини ардоқлайди, муқаддас билиб кўзга суради!
Зарафшон мфй отинойиси
Исломова Марзия.
"Ўзбекистон Республикаси Давлат байроғи тўғрисида" ги қонун 1991-йил, 18-ноябрда Ўзбекистон Республикаси олий кенгашининг навбатдан ташқари ўтказилган 7-сессиясида қабул қилинган.
Давлат рамзлари ҳар бир мамлакатнинг суверенитети ва мустақиллигини ифодаловчи муқаддас тимсолдир. Шу маънода байроғимиз ғурур ва фахримиз тимсолидир. Ватанимизнинг беқиёс рамзидир. Қуёш кўкда фалакнинг байроғи бўлиб порлаб турибди, инсон кўнглида муҳаббат байроғи ҳилпирайди, онгимизни эса тафаккур байроғи руҳлантиради. Озод ва обод Ватанимиз-Ўзбекистоннинг байроғи ҳам бизни улуғ мақсадлар томон бошловчи буюк машъаладир.
Давлат байроғи ва унинг рамзи бугунги Ўзбекистон ҳудудида қадимда мавжуд бўлган давлатлар билан тарихан боғлиқлигини англатади ҳамда юртнинг миллий маданий анъаналарини ўзида мужассамлаштиради.
Ер юзида 200 дан ортиқ давлат бор ва ҳар бир давлатнинг ўз рамзлари, байроғи бор. Ҳар бир байроқ айро ранг ва тимсолларга эга. Улар билан ёнма-ён балқиб турган байроғимиз ҳеч кимдан кам эмаслигимиз ва кам бўлмаслигимизни кўрсатиб туради.
Шуни таъкидлаш жоизки, байроқ қадим-қадимдан ҳар бир халқ учун мустақиллик, ҳурлик, тенглик ва барқарорлик тимсоли бўлиб келган. Аждодларимиз ҳам юрт байроғини муқаддас билиб, уни кўз қорачиғидек асраганлар.
Миллат байроғи жондек азиз, нондек мўътабар. Буюк соҳибқирон Амир Темур ғолиблик байроғини юксак кўтарди. Бу байроқ остида буюк эл бирлашди, у барпо этган улуғ салтанатни дунё тан олди. Бу давр ватан тарихига зарҳал ҳарфлар билан битилди. Байроқ эса том маънода мамлакат рамзи, улуғворлик тимсолига айланди, жангчиларга жанговар руҳ бағишлаш, уларнинг кайфиятини кўтариш, иродасини чиниқтириш мақсадида жанг майдонлари узра баланд ҳилпираб турди.
Ватан ҳимоясидек муқаддас бурчни мардона ўташ учун байроғимизни ўпиб қасамёд қилаётган ҳарбийларимизнинг қалбидаги оловни, кўзларидаги жўмардликни кўриб, фахрланамиз. Ҳар бир инсон онгу шуурига Ватанимиз рамзларига нисбатан чуқур ҳурмат туйғуларини сингдириш, умуммиллий ва эҳтиром тимсоллари бўлган байроқ, герб ва мадҳиямизни улуғлаш ва ардоқлаш барчамизнинг бурчимиздир.
Токи, байроқ бор экан, миллат бор, давлат бор, Ватан бор. Ўзбекистон фарзандлари қаерда бўлмасин, қандай натижаларга эришмасин Ватан байроғини ардоқлайди, муқаддас билиб кўзга суради!
Зарафшон мфй отинойиси
Исломова Марзия.
