"Салом беришни ўргатайлик"
Аллоҳ таоло мўминларни салом беришга буюради:
Расулуллоҳ (соллаллоҳу алайҳи васаллам) умматларига одобли бўлишда саломнинг ўрни ўта мухимлгини, унда ажру- савоб, зиёда бўлишини таъкидлаганлар.Бир киши Росулуллохдан ( соллаллоҳу алайҳи васаллам)дан "Исломнинг қайси амали яхши?" Деб  сўради.Пайғамбаримиз  (соллаллоҳу алайҳи васаллам) :
" Таом бериш ва таниган танимаган одамга салом бериш", дея мархамат қилдилар.
Имом Муслим Абу Хурайрадан (розияллоҳу анҳу) дан ривоят қилади: Расулуллоҳ (соллаллоҳу алайҳи васаллам) : "Мўмин бўлмагунингизча жаннатга кирмайсизлар.Ўзаро муҳаббат қилмагунингизча мўмин бўлолмайсизлар .Сизларни ўзаро муҳаббатили бўлишга сабаб бўладиган амалга далолат қилайми? Орангизда саломни кенг таркатинглар", дедилар.Катталарнинг олдин салом бериши фарзандга салом бериш таълимини сингдиришнинг яхши йўлидир.Бу борада барчамизнинг илк мураббийимиз бўлган Пайғамбаримиз (соллаллоҳу алайҳи васаллам) олдиларидан болалар ўтиб қолса, биринчи бўлиб салом берардилар.Инсониятнинг энг азизи ва саиди бўлган Пайғамбаримиз (соллаллоҳу алайҳи васаллам)  биз умматларга бу хусусда жуда гўзал таълимни берган эканлар.Хатто ёш болаларга хам олдин салом берганлари барчамизга улкан ибрат ва сабоқ бўлиши лозим.

Кармана тумани"Деҳқон" МФЙ. Отинойиси: Якубова Сорохон.