ТАҚВОЛИ ҲАЁТ. Аллоҳ таолога битмас-туганмас ҳамду санолар бўлсин. Аллоҳ таоло Қурони каримда бундай деб мархамат қилади:

* ان اكرمكم عند الله اتقاكم *
(سورة الحجرات الاية ١٣)
"Албатта, Аллоҳнинг хузурида энг хурматлилигингиз тақводорингиздур"
Аллоҳ таоло бутун инсониятга хитоб қилиб, барча инсонларни бир эркак (Одам алайҳиссалом) ва аёлдан (Момо Ҳавводан) яратганини, асли бир бўлган одамларнинг бир-бирлари билан танишиб, муносабатлар ўрнатиш, маърифат ҳосил қилишлари учун турли халқ ва миллатларга бўлиб қўйганининг хабарини бермоқда. Дарҳақиқат, Ислом динида барча инсонлар тенгдирлар, чунки Аллоҳ таоло уларни бир ота ва бир онадан яратган. Улар фақат тақволари билангина бир-бирларидан афзал, устун бўлишлари мумкин. Кишилик жамиятининг ўлчовларида одатда инсонлар насл-насаби, мол-дунёси, жамиятдаги мавқеъ-обрўси, мансаби ёки ақл-заковатига кўра бир-бирларидан фарқланишади. Ана шундай сифатларга эга бўлганлар ўзларини бошқалардан бир поғона юқори тутиб, ўзларидан пастроқ даражадагиларни менсимайроқ муомала қилишади. Ислом дини наздида одамларнинг бари насл жиҳатидан бир бўлганидан кейин улар фақат тақводорликлари, яъни Аллоҳдан қўрқишлари даражасига қараб фарқланадилар холос.
Учқудуқ тумани "Мустақиллик " МФЙ отинойиси Файзиева З.