Байраминг муборак.
Жамолингга қараб, кўзлар қамашар.
Тантана байрамлар, сенга ярашар.
Мустақил диёрим, абадий яшар.
Байраминг муборак Ўзбекистоним.

Ватан деб жон берди, соҳибқиронлар.
Ҳақни севган Расул, Умар, Усмонлар.
Бу кунни кўрмади , кўп азиз жонлар.
Байраминг муборак Ўзбекистоним.

Хумо қуши бошингдан, кетмасин ҳеч вақт.
Кўкрак керган мардлар, посбонингдир нақт.
Истиқлол қуёши -оламшумул бахт.
Байраминг муборак Ўзбекистоним.

Ватан равнақинг чун, фидодир жоним.
Оримсан, ғурурим , шавкату -шоним.
Ўзлигим танитган, сен - онажоним.
Байраминг муборак Ўзбекистоним.

Юрбошим раҳнамо, тўрт фаслим баҳор.
Хизматинга шайман, қалбда ифтихор.
Бахт дегани шуда, яна нима бор ?
Байраминг муборак Ўзбекистоним.

Навоий шаҳар Дўстлик мфй ва Олтин водий мфй отинойиси Ш. Ю. Сувонова.