“Ўз жонига қасд қилиш”.
Бисмиллаҳир рохманир рохийм.
Мусулмончиликда ўз жонига қасд қилиш мумкин эмаслигини барча мусулмонлар билишади.Улар ўзимни ўлдирсам дунё ғам ташвишларидан оғирликлардан шармандаликдан қутилиб кетаман деб уйлашади.Асло ундай эмас аксинча дунёдаги аҳволидан минг чандон оғирроқ ҳолатга дуч келади, ундай кимсалар жаҳаннамга тушиб ўзини, пичоқ билан ўлдирган бўлса ўша пичоқ қорнига суқилган ҳолда заҳар ёки сирка ичиб ўлган бўлса, ўша заҳар ёки сирка билан қиёмат кунида дўзах азобида доимий азобланур шуни ҳам яхши билиб қўйишимиз керакки қайси йўл билан бўлса ҳам ўз жонига қасд қилган кимсаларга масжид имоми қози муфтий шунингдек халқ орасида танилган машҳур уламолар қорилар жаноза ўқишмайди, фақатгина маҳалланинг ўзидаги маросимларда Қуръон ўқиб юрадигиен чала савод кишиларгина имом бўлиб, жаноза ўқиб бериши мумкин.Имом Бухорий ривоят қилган хадиси Қуддусийда :(Аллоҳ таоло бандам ўзини –ўзи ўлдириб унга берган умримга шукр қилмай шошилди .Шунинг учун унга жаннатни абадий ҳаром қилдим)-дейилган .
Навоий шаҳар “Хончорбоғ”МФЙ отинойиси Қулбобоева . М.