Она юртим.

Мен ўзбекман, ўзбек элим юртим бор,
Боболардан меросим бус_бутун бор.
Қадру қиммат ғаниматим дўстим бор,
Тили ширин, дуогўй ҳикматим бор.
Армонларда армон бўлгувчи боғим,
Она юртим, менинг азиз тупроғим.

Виқор билан куйласам ҳам хўп арзир,
Мейёр билан баён этгум беназир.
Иқрор билан арзир минг бор мақтасам,
Ўзбекистон ҳеч бир юртдан эмас кам.
Армонларда армон бўлгувчи боғим,
Она юртим, менинг азиз тупроғим.

Бунча ширин узумларинг нонларинг,
Мунча гўзал мевазор бўстонларинг.
Жаннатдан йўл очилгандек, конларинг,
Меҳнат билан яралар имконларинг.
Она юртим, менинг азиз тупроғим,
Армонларда армон бўлгувчи боғим.

Эҳ_ҳе!Қанча ўсдинг, қанча улғайдинг,
Ҳур ўлкасан, равнақ сари юксалдинг
Жаҳон ичра илдам юрдинг, изландинг,
Ҳар жабҳада ибрат бўлдинг, мақталдинг.
Армонларда армон бўлгувчи боғим,
Она юртим, менинг азиз тупроғим.

Қадринг билмай, кетгувчилар кетдилар,
Нени англаб, не ерларга етдилар,
Жамолингга муштоқ бўлиб ўтдилар,
"Мен_ўзбекман,Ўзбек!"дея ўтдилар.
Армонларда армон бўлгувчи боғим,
Она юртим, менинг азиз тупроғим.

Қўлда қалам, термуламан ҳуснингга,
Жиҳатларинг такрор келар тилимга.
Маржон_маржон тумор бўлай, бўйнингга,
"Дунё тургунча тур"_дейман дилимда.
Она юртим, менинг азиз тупроғим,
Армонларда армон бўлгувчи боғим,

Агар огоҳ бўлмасак, душман айёр,
Луқмайи ҳалол учун, доим ёв тайёр.
Сени ётдан асрагувчи элинг бор,
Дуога қўл очиб турар, элу ёр.
Армонларда, армон бўлгувчи боғим,
Она юртим, менинг азиз тупроғим.

Юртни ўйлаб, асрагувчи ўғлинг бор,
Боболардан мерос, адолатинг бор.
Фарзандларинг, дилбандларинг бўлмас хор,
Алёр айтиб, ўсавер мардонавор.
Армонларда, армон бўлгувчи боғим,
Она юртим, менинг азиз тупроғим.

Қизилтепа туман Оқмачит маҳалла отинойиси Гулнора Ваҳобова.