Она.
Онажоним, юрагим менинг
Ҳар сония керагим менинг
Мунисгинам ҳам меҳрибоним
Кўнгли оппоқ малагим менинг
Майса бўлиб унай изингда
Рози бўлгин нон ҳам тузингга
Токи умрим поёнигача
Садқа бўлмоқ тилагим менинг
Бошгинангга ёққан қировни
Она бўлгач ҳис этдим ўзим
Меҳри дарё ҳам ширин сўзим
Чаман ичра сарагим менинг
Фарзанд бўлиб нима қилибман,
Ҳад-ҳисобсиз чеккан жабрингга
Сенга мудом интизор эрур
Жон поёндоз йўлагим менинг
Онажоним юрагим менинг

Жабборова Карима
Навбаҳор тумани Сарбозор маҳалла отинойиси