​Татуаж билан намоз ўқиш

Ассалому алайкум. Мен бундан 3 йил аввал қошимни, кўзимни татуаж қилдирганман, буни ўзим хоҳлаб қилдирмаганман. Мени бир савол анчадан бери қийнаб келмоқда. Ундан кейин иккита фарзандли бўлдим. Саволим шуки, татуаж бўлса, қилинган тахорат ўтмайдими, ўқиган намозим қабул бўлмайдими? Фарзандларимни жунуб ҳолатда эмизаётган бўламанми?

Одинахон Муҳаммад Содиқ:
– Ва алайкум ассалом. Таҳорат дуруст бўлади. Кўп тавба қилинг.
Валлоҳу аълам.

Татуаждан кейинги таҳорат ва ғусл

Ассалому алайкум! Устозлар, инсон жоҳилликда юриб, танасига ўйиб чизиладиган махсус расм (татуаж) чиздирса-ю, пайти кeлиб ибодатга кирса, ғусл ёки таҳорат қилса қабул бўладими? Бундай ҳолатларда қандай иш тутган маъқул?

ЖАВОБ:
- Ва алайкум ассалом! Қон нажосат бўлиб, татуаж қилинган вақтда сиёҳ билан терининг устига жойлашиб қолади. Агар йўқ қилишнинг имкони бўлса, йўқотиш керак. Қолган тақдирда ҳам, қилинган таҳорат ва ғусл кабул бўлади. Бунда шак-шубҳа йўқ. Валлоҳу аълам.

ТАТУАЖ ЖОИЗМИ?

Ассалому алайкум! Мeнинг ўғлимнинг пeшонасида туғма оқ доғи бор. Шифокорлар татуаж йўли билан бу доғни кўринмайдиган қилса бўлади, дeйишмоқда. Бу нарса шариатда жоизми?

ЖАВОБ:
Ва алайкум ассалом.
Жоиз эмас. Валлоҳу аълам.

"Зикр аҳлидан сўранг" ҳайъати

#Савол_жавоб
Савол бериш учун: savollar.muslimaat.uz

Telegram | Facebook | Instagram | Youtube | Веб-сайт

@bintusodiq