Қайнотанинг олдидаги бурчлар

Ассалому алайкум! Саволим шундан иборатки, оила қурганимизга икки йил бўлди, қайнона, қайнотам билан бирга турамиз. Янги келинлигимда қайнонам қайнотамнинг кийимларини ювишимни сўраганлар, рози бўлиб олганман ва кийимлари орасидан ички кийимлари чиққан. Бундан қаттиқ ранжидим ва қайнонамга қайнотамнинг кийимларини бошқа ювмаслигимни айтдим. Қайнонам ҳали ёш, соғлом. Яқинда яна шу ҳолат такрорланди ва энди эримнинг ёнида менинг қайнотамнинг шимларини ювишимни хоҳладилар. Табиийки, буни рад этдим ва бу эрим билан ўртамизда низо чиқишига сабаб бўлди. Бу ҳолатда мен қандай йўл тутай? Шим экан-ку, деб ювишим керакми?

Жавоб:
– Ва алайкум ассалом! Ички кийимдан бошқаларини юваверинг, савоб бўлади.

Валлоҳу аълам.

Одинахон Муҳаммад Содиқ

#Савол_жавоб
Савол бериш учун: savollar.muslimaat.uz

Telegram | Facebook | Instagram | Youtube | Веб-сайт

@bintusodiq