Савол: - Ассалому алайкум! Биламизки алимент пули тўлаш мажбурий. Агар эр ва хотин шарий ажрашган бўлишса ва бола онада қолса, отани алимент тўлашига ариза берса, буни тўлашни ота истамаса мажбурий ундирилади. Шундай вазиятларда отадан мажбуран ундирилган пул халол бўладими? Албатта бу пул боланинг моддий эҳтёжи учун ишлатилади. 2. Яна бола 3 ёшига қадар онага ҳам тўланиши керак бўлган алимент бор. Буни ҳам беришга бош тортса мажбурий ундирилса рози бўлиб бермаса халол бўладми? Эшитишимча шарий ажрашгандан сўнг ота болага хам хотинга хам моддий жавобгар эмас экан. Рози бўлиб тўламаса у пул ҳаром хисобланар экан. Жавоб учун олдиндан раҳмат

Жавоб: – Ва алайкум ассалом! Албатта бола отаники, балоғатга етгунича нафақаси ҳам унинг зиммасига бўлади. Аёл бошқа эрга тегса болани ундан олиниб аёлнинг онасига берилади. У йўқ бўлса отанинг онасига берилади. Балоғатга етгач ким билан яшашга болага ихтиёр берилади. Ажрашганидан кейин то иддаси чиққунича эр, хотинга ҳам нафақасига ҳам жавобгар. Валлоҳу аълам!

«Зикр аҳлидан сўранг» ҳайъати